ໂດຍເຫັນໄດ້ຄວາມສຳຄັນຂອງວຽກງານການສຶກສາ ໃນການສ້າງບຸກຄະລາກອນໃຫ້ມີຄວາມຮູ້ ຄວາມສາມາດ ເພື່ອຮັບ
ໃຊ້ປະເທດຊາດ ແລະ ສັງຄົມ ດັ່ງນັ້ນໂຮງຮຽນເອໄອເອັສ ເຊິ່ງເປັນໂຮງຮຽນພາກເອກະຊົນ ໄດ້ນຳເອົາເຄື່ອງຊ່ວຍເຫຼືອປະ
ກອບມີພັດລົມ ເຄື່ອງປິນເຕີ ອຸປະກອນກີລາ ແລະ ອຸປະກອນການຮຽນຈຳນວນໜຶ່ງ ທີ່ໄດ້ຈາກໂຮງຮຽນຄູອາຈານ ແລະ
ນັກຮຽນ ລວມມູນຄ່າທັງໝົດ ປະມານ 20 ລ້ານກີບ ໄປມອບໃຫ້ໂຮງຮຽນປະຖົມໜອງດ້ວງ ເມືອງສີໂຄດຕະບອງ ນະ
ຄອນຫຼວງວຽງຈັນ ເພື່ອນຳໃຊ້ເຂົ້າໃນການຮຽນ-ການສອນ ແລະ ການເຄື່ອນໄຫວກິດຈະກຳຕ່າງໆຂອງໂຮງຮຽນດັ່ງກ່າວ
ໃຫ້ມີຄວາມສະດວກຫຼາຍຂຶ້ນ.
ພິທີມອບ-ຮັບເຄື່ອງຊ່ວຍເຫຼືອຈຳນວນດັ່ງກ່າວໃນຄັ້ງນີ້ ໄດ້ຈັດຂຶ້ນວັນທີ 12 ທັນວາ 2014 ທີ່ໂຮງຮຽນປະຖົມດັ່ງກ່າວ ເຊິ່ງ
ກ່າວມອບໂດຍທ່ານນາງ ສັກດີ ນາໄລຊອງ ຜູ້ອຳນວຍການໂຮງຮຽນເອໄອເອັສ ແລະ ກ່າວຮັບໂດຍທ່ານ ວົງຈັນ ສຸດາວົງ
ຜູ້ອຳນວຍການໂຮງຮຽນປະຖົມໜອງດ້ວງ ມີທ່ານ ແສງເພັດ ສຸດທະຈິດ ຫົວໜ້າຄະນະຈັດຕັ້ງເມືອງສີໂຄດຕະບອງ ອຳ
ນາດການປົກຄອງບ້ານໜອງດ້ວງ ຄະນະອຳນວຍການ ຄູ-ອາຈານ ແລະ ນັກຮຽນທັງສອງໂຮງຮຽນເຂົ້າຮ່ວມ.
ແຫລ່ງຂ່າວ: ວຽງຈັນໃໝ່