spot_img
Homeຂ່າວພາຍ​ໃນສຳຫຼວດ-ສ້ອມແປງ ຫຼາຍເສັ້ນທາງທີ່ເປ່ເພ

ສຳຫຼວດ-ສ້ອມແປງ ຫຼາຍເສັ້ນທາງທີ່ເປ່ເພ

Published on

ແຫຼ່ງຂ່າວຈາກ ແຂວງບໍ່ແກ້ວໃຫ້ຮູ້ວ່າ: ໃນລະຫວ່າງວັນທີ 26-27 ກໍລະກົດ ທີ່ຜ່ານມາ, ຄະນະກໍາມະການຄວບຄຸມໄພພິບັດຂັ້ນເມືອງເມິງ ແຂວງບໍ່ແກ້ວ ຮ່ວມກັບ ບໍລິສັດ ຢຸຍເຊີນ ກໍ່ສ້າງຂົວທາງ ແລະ ເຄຫາສະຖານ ຈໍາກັດ ລົງສໍາຫຼວດເສັ້ນທາງທີ່ເປ່ເພ ໃນໄລຍະລະດູຝົນ, ແຕ່ເທສະບານເມືອງເມິງ ຫາ ຂົວນໍ້າຟ້າ-ສາມແຍກເຂົ້າບ້ານນໍ້າຄາລື້ ແລະ ສາມແຍກເຂົ້າບ້ານປຸ່ງຈອມແສງ ຫາສາມແຍກບ້ານຜາດໍາ, ເມືອງເມິງ, ແຂວງບໍ່ແກ້ວ.

May be an image of 7 people and grass

ການສໍາຫຼວດເສັ້ນທາງທີ່ເປ່ເພໃນຄັ້ງນີ້, ເພື່ອແກ້ໄຂສຸກເສີນເສັ້ນທາງທີ່ເປ່ເພໃນບາງຈຸດທີ່ບໍ່ສາມາດທຽວໄດ້ ໃນໄລຍະລະດູຝົນນີ້ , ເຊິ່ງໄດ້ສ້າງຄວາມຫຍຸ້ງຍາກ ໃນການສັນຈອນໄປ-ມາ ກໍຄື: ການຂົນສົ່ງສິນຄ້າ ເປັນຕົ້ນ ດິນເຊາະເຈື່ອນຖົມເສັ້ນທາງ, ຂຸດຮອງລະບາຍນໍ້າ, ຖົມເສັ້ນທາງທີ່ເປັນບວກເປັນຂຸມ ແລະ ອະນາໄມທໍ່ລະບາຍນໍ້າ.

May be an image of 1 person

ຜ່ານການສໍາຫຼວດເຫັນວ່າ: ເສັ້ນທາງແຕ່ເທສະບານເມືອງເມິງ, ແຂວງບໍ່ແກ້ວ ຫາ ຂົວນໍ້າຟ້າ ຊາຍແດນເມືອງລອງ ແຂວງຫຼງນໍ້າທາ, ເຊິ່ງມີຄວາມຍາວ 34 ກິໂລແມັດ, ແຕ່ເທສະບານເມືອງເມິງຫາ ສາມແຍກເຂົ້າບ້ານນໍ້າຄາລື້ ມີຄວາມຍາວ 34 ກິໂລແມັດ ແລະ ແຕ່ສາມແຍກເຂົ້າບ້ານປຸງຈອມແສງ ຫາ ສາມແຍກບ້ານຜາດໍາ ມີຄວາມຍາວ 25,42 ກິໂລແມັດ.

May be an image of 6 people and motorcycle

ເຊິ່ງທາງບໍລິສັດ ຈະໄດ້ນໍາເອົາກົນຈັກເຂົ້າມາປັບປຸງສ້ອມແປງ ແລະ ແກ້ໄຂສຸກເສີນ ໃຫ້ທ່ວງທັນກັບສະພາບການ, ເພື່ອຄວາມສະດວກສະບາຍໃນການເດີນທາງໄປ-ມາ ກໍຄື: ການຂົນສົ່ງສິນຄ້າຕ່າງໆ ລະຫວ່າງ ເມືອງເມິງ ຫາເມືອງລອງ ແຂວງຫຼວງນໍ້າທາ, ເທສະບານເມືອງເມິງ ຫາ ເມືອງຫ້ວຍຊາຍ ແລະ ບ້ານ ຫາ ບ້ານພາຍໃນເມືອງ ໃຫ້ມີຄວາມສະດວກສະບາຍ ແລະ ວ່ອງໄວຂຶ້ນກວ່າເກົ່າ.

ຂ່າວ: ອຸ່ນຄໍາ ຂັນວາລິດ, ປະເທດລາວ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...