ສຳນັກຂ່າວຕ່າງປະເທດ ລາຍງານວ່າ: ເມື່ອວັນທີ 22 ກໍລະກົດທີ່ຜ່ານມາ, ເກີດເຫດກາດຍິງໃນບ້ານພັກຜູ້ສູງອາຍຸ ທີ່ເມືອງດາລູວາ, ປະເທດໂຄເອເຊຍ, ເມື່ອເວລາປະມານ 10:00 ໂມງ ຕາມເວລາທ້ອງຖິ່ນ ແລ້ວຫຼົບໜີໄປ.ເຊິ່ງເຫດການດັ່ງກ່າວໄດ້ເຮັດໃຫ້ມີຜູ້ເສຍຊີວິດເຖິງ 6 ຄົນ, ເປັນຜູ້ສູງອາຍຸທີ່ອາໄສໃນບ້ານພັກດັ່ງກ່າວ 5 ຄົນ ແລະ ເຈົ້າໜ້າທີ່ດູແລຜູ້ສູງອາຍຸ 1 ຄົນ, ມີຜູ້ບາດເຈັບອີກ 6 ຄົນ.
ຕໍ່ກັບເຫດການທີ່ເກີດຂຶ້ນເຈົ້າໜ້າທີ່ໄດ້ລາຍງານວ່າ: ສາມາດຈັບກຸມຕົວຄົນຮ້າຍພ້ອມທັງອາວຸດປືນທີ່ຄອບຄອງຢ່າງຜິດກົດໝາຍໄດ້ແລ້ວ ທີ່ຮ້ານແຫ່ງໜຶ່ງ ທີ່ຢູ່ບໍ່ໄກຈາກຈຸດເກີດເຫດ, ເຊິ່ງເຈົ້າໜ້າກຳລັງຢູ່ໃນຂະບວນການສືບສວນສອບສວນຫາແຮງຈູງໃຈໃນການກໍ່ເຫດດັ່ງກ່າວຂຶ້ນ.
ນາຍົກລັດຖະມົນຕີໂຄເອເຊຍໄດ້ອອກມາປະນາມຕໍ່ກັບການກະທຳອັນໂຫດຮ້າຍດັ່ງກ່າວ, ພ້ອມສະແດງຄວາມເສຍໃຈຕໍ່ກັບເຫດການທີ່ເກີດຂຶ້ນ, ເນື່ອງຈາກຜູ້ເສຍຊີວິດສ່ວນຫຼາຍມີອາຍຸໃນລະຫວ່າງ 90 ກວ່າປີ.
ຂ່າວ: cnn