ກອງປະຊຸມປຶກສາຫາລືແບບເປີດກວ້າງ ກ່ຽວກັບໂຄງການພັດທະນາເຂື່ອນໄຟຟ້າດອນສະໂຮງ ໄດ້ມີຂຶ້ນໃນວັນທີ 12
ທັນວາ 2014 ຢູ່ໂຮງແຮມຈຳປາສັກ ແກຣນ ເມືອງປາກເຊ ແຂວງຈຳປາສັກ ເຊິ່ງມີຜູ້ເຂົ້າຮ່ວມທັງໝົດ 100 ກວ່າຄົນ
ຈາກອົງການແມ່ນ້ຳຂອງສາກົນ ອົງການຈັດຕັ້ງພາກລັດ-ເອກະຊົນ ອົງການຈັດຕັ້ງສາກົນ ແລະ ບັນດານັກຂ່າວຈາກ
ພາຍໃນ-ຕ່າງປະເທດ.
ທ່ານ ແຮນ ຄັດເທີແມນ ຫົວໜ້າອົງການຄະນະກຳມະການແມ່ນ້ຳຂອງສາກົນກ່າວວ່າ: ກອງປະຊຸມປືກສາຫາລືຄັ້ງນີ້
ໄດ້ທົບທວນຄືນຄວາມຄືບໜ້າ ໃນການຈັດຕັ້ງປະຕິບັດໄລຍະຜ່ານມາ ພ້ອມກັນນັ້ນກໍ່ໄດ້ສືບຕໍ່ປືກສາຫາລື ແລະ ປັບ
ປຸງວຽກທີ່ຈຳເປັນບາງດ້ານ ໃຫ້ມີຄວາມສະດວກສະບາຍ ແລະ ມີປະສິດທິຜົນຂຶ້ນຕື່ມ.
ແນວໃດກໍ່ດີ ຜູ້ເຂົ້າຮ່ວມຍັງໄດ້ມີໂອກາດປະກອບສ່ວນຄວາມຄິດຄວາມເຫັນ ແລະ ແລກປ່ຽນທັດສະນະຢ່າງກົງໄປກົງ
ມາ ໂດຍສະເພາະຂັ້ນຕອນການປຶກສາຫາລືລ່ວງໜ້າ ບົດບາດຂອງອົງການແມ່ນ້ຳຂອງ ແລະ ສັນຍາອົງການແມ່ນ້ຳ
ຂອງປີ 1995.
ໂຄງການກໍ່ສ້າງເຂື່ອນໄຟຟ້າດອນສະໂຮງ ໃນເຂດເມືອງໂຂງ ແຂວງຈຳປາສັກ ລັດຖະບານໄດ້ອະນຸຍາດໃຫ້ບໍລິສັດ ເມັກ
ກະເຟີສຕ ຈາກມາເລເຊຍເປັນຜູ້ສຳຫຼວດຄວາມເປັນໄປໄດ້ ຕັ້ງແຕ່ປີ 2006 ເປັນຕົ້ນມາ ໃນການພັດທະນາເຂື່ອນໄຟ
ຟ້າດອນສະໂຮງ ບົນພື້ນຖານຜົນປະໂຫຍດລວມຂອງຊາດ ເພື່ອສ້າງທ່າແຮງກະຕຸກຊຸກຍູ້ ແລະ ສົ່ງເສີມການຂະຫຍາຍ
ຕົວເສດຖະກິດຢ່າງຕໍ່ເນື່ອງ ອັນຈະເຮັດໃຫ້ປະເທດຊາດ ຄ່ອຍໆຫຼຸດພົ້ນອອກຈາກສະຖານະພາບ ປະເທດດ້ອຍພັດທະນາ.
ແຫລ່ງຂ່າວ: ວຽງຈັນໃໝ່