spot_img
Homeຂ່າວຕ່າງປະເທດຈີນສັ່ງອົບພະຍົບປະຊາຊົນເກືອບ 6000 ຄົນ ຫຼັງເຂື່ອນແຕກເຮັດໃຫ້ນ້ຳຖ້ວມໜັກ

ຈີນສັ່ງອົບພະຍົບປະຊາຊົນເກືອບ 6000 ຄົນ ຫຼັງເຂື່ອນແຕກເຮັດໃຫ້ນ້ຳຖ້ວມໜັກ

Published on

ສຳນັກຂ່າວຕ່າງປະເທດລາຍງານໃນວັນທີ 6 ກໍລະກົດ 2024 ປະເທດຈີນກຳລັງປະເຊີນກັບສະພາບອາກາດທີ່ຮ້າຍແຮງ  ທັງນ້ຳຖ້ວມ ແລະ ພາຍຸທໍນາໂດ ຫຼ້າສຸດເກີດເຫດເຂື່ອນແຕກ ໃນພຶ້ນທີ່ຕອນກາງຂອງປະເທດຈີນ ເຮັດໃຫ້ເກີດນ້ຳຖ້ວມຢ່າງໜັກໜ່ວງ ທາງການຈີນຕ້ອງເລັ່ງອົບພະຍົບປະຊາຊົນເກືອບ 6000 ຄົນ.

ຕາມການລາຍງານ ຝົນທີ່ຕົກລົງມາຢ່າງໜັກຕະຫຼອດອາທິດທີ່ຜ່ານມາ ເຮັດໃຫ້ນ້ຳໃນເຂື່ອນມີຈຳນວນຫຼາຍ ຈົນແນວເຂື່ອນຮັບບໍ່ໄຫວ ແລະ ເກີດແຕກຂຶ້ນໃນທີ່ສຸດ ເຊິ່ງບໍລິເວນທີ່ແຕກແມ່ນເຂື່ອນທະເລນ້ຳຈືດຂະໜາດໃຫຍ່ອັນດັບ 2 ຂອງຈີນ ທີ່ມີຮອຍແຕກຍາວປະມານ 10 ແມັດ ກ່ອນທີ່ຈະຂະຫຍາຍຮອຍແຕກອອກໄປອີກ 150 ແມັດ.

ນ້ຳຈຳນວນຫຼາຍໄດ້ໄຫຼອອກຈາກເຂື່ອນເຂົ້າຖ້ວມບ້ານເຮືອນຂອງປະຊາຊົນ ແລະ ຂຍາຍໄປໃນຫຼາຍເມືອງ ຫຼ້າສຸດທາງການຈີນໄດ້ອົບພະຍົບປະຊາຊົນໄດ້ປະມານ 5700 ຄົນ ອອກຈາກພຶ້ນທີ່ເພື່ອຄວາມປອດໄພ ຂະນະດຽວກັນໄດ້ສົ່ງທີມ ແລະ ເຄື່ອງຈັກກົນໜັກຂົນສົ່ງຊາຍ ແລະ ຫິນ ເລັ່ງອັດໃສ່ບໍລິເວນທີ່ແຕກ ເຊິ່ງມີແຜນຈະປິດໃຫ້ແລ້ວພາຍໃນ 6-7 ມື້.

ແຫຼ່ງຂ່າວ: 3PLUS NEWS

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...