ຄວາມກົດດັນຕໍ່າຂອງອາກາດຮ້ອນ ຍັງປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ຫາ ປານກາງ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ ເຊິ່ງຍັງຈະເຮັດໃຫ້ມີຝົນຕົກ, ຟ້າຮ້ອງ, ຟ້າເຫຼື້ອມໃນລະດັບຄ່ອຍ ແລະ ຕົກປານກາງ, ພ້ອມມີລົມພັດແຮງ ຢູ່ບາງທ້ອງຖິ່ນໃນແຕ່ລະພາກ. ຂໍ້ມູນອຸຕຸກະເສດ ປະຈໍາອາທິດສໍາລັບເຂົ້ານາແຊງ ແລະ ພືດຜັກ, ວັນທີ 01-07/7/2024 ໃນໄລຍະໜຶ່ງອາທິດຂ້າງໜ້າແມ່ນມີຄວາມສ່ຽງແຫ້ງແລ້ງ ຢູ່ໃນເຂດເມືອງຄໍາ ແຂວງຊຽງຂວາງ. ໄລຍະການຈະເລີນເຕີບໂຕຂອງເຂົ້າ ໃຫ້ປະຊາຊົນເອົາໃຈໃສ່ເຝົ້າລະວັງຜົນກະທົບຈາກສະພາບໄພແຫ້ງແລ້ງທີ່ມີຄວາມສຽງສູງ, ເພີ່ມທະວີການຕິດຕາມ ແລະ ນໍາໃຊ້ມາດຕະການຄວບຄຸມທີ່ເໜາະສົມສໍາລັບ, ພະຍາດກາບໃບແຫ້ງ, ພະຍາດໃບຈຸດສີນໍ້າຕານ ທີ່ມີຄວາມສ່ຽງສູງ.