spot_img
Homeຂ່າວກິລາອາລິຍາ ພູນສະຫວັດ ຄວ້າແຊ໋ມຖີບລົດຊີງແຊ໋ມປະເທດລາວ ປະຈຳປີ 2024 ສ່ວນອັນດັບທີ 2 ເປັນຂອງ ຖາວອນ ເພື່ອນຮ່ວມທີມດຽວກັນ ສະໂມສອນ ທີຊີທີ

ອາລິຍາ ພູນສະຫວັດ ຄວ້າແຊ໋ມຖີບລົດຊີງແຊ໋ມປະເທດລາວ ປະຈຳປີ 2024 ສ່ວນອັນດັບທີ 2 ເປັນຂອງ ຖາວອນ ເພື່ອນຮ່ວມທີມດຽວກັນ ສະໂມສອນ ທີຊີທີ

Published on

ສະຫະພັນລົດຖີບແຫ່ງຊາດລາວ ຈັດການແຂ່ງຂັນລົດຖີບ 3 ລາຍການ ຮຸ່ນອາຍຸ 36 ປີ ຂຶ້ນໄປ, ຮຸ່ນຊາວໜຸ່ມທົ່ວໄປ ແລະ ຮຸ່ນເຍົາວະຊົນ ປະເພດຊາຍ ໃນໄລຍະທາງໄກ ຫຼາຍກວ່າ 100 ກິໂລແມັດ ຊີງແຊ໋ມປະເທດລາວ ປະຈຳປີ 2024 ໃນຕອນເຊົ້າມື້ນີ້ 22 ມິຖຸນາ 2024 ເພື່ອເປັນການຄັດເລືອກນັກກິລາຜູ້ທີ່ມີພອນສະຫວັນດີເດັ່ນ ກຽມຕິດທີມຊາດ ເຂົ້າຮ່ວມແຂ່ງຂັນລາຍການຕ່າງໆ ລະດັບນາໆຊາດ ໂດຍສະເພາະແມ່ນກຽມຮ່ວມງານກິລາຊີເກມ ຄັ້ງທີ 32 ທີ່ປະເທດໄທ ເປັນເຈົ້າພາບ ປີ 2025.

ການແຂ່ງຂັນລາຍການດັ່ງກ່າວ ສະເພາະຮຸ່ນຊາວໜຸ່ມທົ່ວໄປ ຈຸດປ່ອຍທີ 1 ເລີ່ມຕົ້ນຈາກ ປໍ້ານໍ້າມັນ ໂຊກໄຊ ເຂດບ້ານໜອງດາ ເມືອງສີໂຄດຕະບອງ ມຸ້ງໜ້າສູ່ ເມືອງຊະນະຄາມ ແຂວງວຽງຈັນ ແລະ ຈຸດທີ 2 ເລີ່ມຄ້ອຍແລນມາກ ເມືອງສັງທອງ ໄປຫາ ເມືອງຊະນະຄາມ ເຊັນກັນດ້ວຍໄລຍະທາງໄກ ຫຼາຍກວ່າ 100 ກິໂລແມັດ ລາຍການນີ້ ມີນັກກິລາເຂົ້າຮ່ວມຊີງໄຊເກືອບ 50 ຄົນ, ໃນນັ້ນ ມາຈາກແຂວງບໍ່ແກ້ວ, ແຂວງອັດຕະປື, ແຂວງວຽງຈັນ ແລະ ບັນດາສະໂມສອນອ້ອມຂ້າງ ນະຄອນຫຼວງວຽງຈັນ.

ສະຫຼຸບການແຂ່ງຂັນ ຮຸ່ນຊາວຮຸ່ນຊາວໜຸ່ມ ທົ່ວໄປ ແຊ໋ມເປັນຂອງ ອາລິຍາ ພູນສະຫວັດ ນັກປຣັ່ນມື 1 ປະເທດລາວ ຈາກສະໂມສອນ ທີຊີທີ ສ່ວນອັນດັບທີ 2 ແມ່ນ ຖາວອນ ພົນອາສາ ສະໂມສອນ ທີຊີທີ, ອັນດັບທີ 3 ຟອງສະໝຸດສະໂມສອນ ແອວຊີທີຊີ, ອັນດັບທີ 4 ສອນສຸລິສັກ ແມນວິໄລ ແອວຊີທີຊີ ແລະ ອັນດັບທີ 5 ທະນະກອນ ວົງເດືອນ ສະໂມສອນ ທີຊີທີ.

ສ່ວນຮຸ່ນເຍົາວະຊົນ ແຊ໋ມເປັນຂອງ ອະພິຊາດ ສຸດທະວີ ຈາກແຂວງບໍ່ແກ້ວ, ອັນດັບທີ 2 ອະນຸພົງ ທຳມະວົງ ສະໂມສອນ ແອວຊີທີຊີ, ອັນດັບທີ 3 ນິລະພອນ ນະວົງສາ ຈາກແຂວງອັດຕະປື, ອັນດັບທີ 4 ບຸດປະເສີດ ຈັນທະຜາລີ ສະໂມສອນ ທີຊີທີ ແລະ ອັນດັບທີ 5 ໂຊກທະວີ ອິນອຸ່ນສາ ຈາກແຂວງບໍ່ແກ້ວ.

ຂະນະທີ່ ຮຸ່ນ 36 ປີ ແຊ໋ມເປັນຂອງ ລຳເງິນ ສະໂມສອນ ແອວຊີທີຊີ, ອັນດັບທີ 2 ເຈໂຣມ ສະໂມສອນ ທີຊີທີ, ອັນດັບທີ 3 ທີໂມທີ ທີມໄດ, ອັນດັບທີ 4 ຟ້າກັດ ທີມໄດ ແລະ ອັນດັບທີ 5 ພຸດທະສອນ ສະໂມສອນ ທີຊີທີ.

ແຫຼ່ງຂ່າວ: Laos Sport Media

ບົດຄວາມຫຼ້າສຸດ

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...

ລາວກຽມພ້ອມພັດທະນາ ແບບຈຳລອງປັນຍາປະດິດ ເພື່ອໃຫ້ AI ປະມວນຜົນພາສາລາວໄດ້ຢ່າງຖືກຕ້ອງ

ເພື່ອພັດທະນາກໍ່ສ້າງແບບຈໍາລອງປັນຍາປະດິດຂະໜາດໃຫຍ່ ສໍາລັບ ສປປ ລາວ ແລະ ກໍ່ສ້າງຖານຂໍ້ມູນພາສາລາວໃຫ້ຄົບຖ້ວນ, ຖືກຕ້ອງ, ຊັດເຈນ ແລະ ສາມາດນໍາໃຊ້ເປັນພື້ນຖານສໍາລັບ AI ແລະ ການນໍາໃຊ້ດີຈີຕອນໃນ ສປປ...

ສຶກສາອົບຮົມສາວບໍລິການ ແລະ ເຈົ້າຂອງຮ້ານ ຢູ່ ເມືອງສີໂຄດຕະບອງ ແລະ ເມືອງນາຊາຍທອງ ນະຄອນຫຼວງວຽງຈັນ

ເຈົ້າໜ້າທີ່ລົງກວດກາສຶກສາອົບຮົມສາວບໍລິການ 33 ຄົນ ແລະ ເຈົ້າຂອງຮ້ານ 04 ຄົນ ຢູ່ ບ້ານໜອງແຕ່ງເໜືອ, ບ້ານວຽງຄຳ, ບ້ານດົງນາໂຊກ, ເມືອງສີໂຄດຕະບອງ ແລະ ບ້ານກາງແສນ,...