Homeຂ່າວພາຍ​ໃນ5 ວຽກຈຸດສຸມດ້ານວັດທະນະທໍາ-ສັງຄົມ ຂອງລັດຖະບານໃນ 6 ເດືອນທ້າຍປີ 2024

5 ວຽກຈຸດສຸມດ້ານວັດທະນະທໍາ-ສັງຄົມ ຂອງລັດຖະບານໃນ 6 ເດືອນທ້າຍປີ 2024

Published on

ໃນໂອກາດລາຍງານຕໍ່ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ໃນວັນທີ 10 ມິຖຸນານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ໃຫ້ຮູ້ກ່ຽວກັບວຽກຈຸດສຸມດ້ານວັດທະນະທໍາ- ສັງຄົມຂອງລັດຖະບານ ໃນ 6 ເດືອນ ທ້າຍປີ 2024 ເຊິ່ງລວມມີ 5 ວຽກສໍາຄັນ ຄື:

(1) ຊຸກຍູ້ວຽກງານສົ່ງເສີມການທ່ອງທ່ຽວ ໃນປີທ່ອງທ່ຽວລາວ ຕິດພັນກັບການເປັນປະທານກອງ ປະຊຸມອາຊຽນ ດ້ວຍການສຸມໃສ່ປັບປຸງພື້ນຖານໂຄງລ່າງ ໂດຍສະເພາະເສັ້ນທາງ, ສະຖານທີ່ທ່ອງທ່ຽວ ແລະ ສະຖານທີ່ບໍລິການນັກທ່ອງທ່ຽວ ໂດຍສົມທົບແໜ້ນກັບຜູ້ປະກອບການກໍ່ຄືທຸກພາກສ່ວນໃນ ສັງຄົມ ເພື່ອສ້າງສະພາບແວດລ້ອມທີ່ດີ, ບໍລິການນັກທ່ອງທ່ຽວໃຫ້ມີຄວາມປະທັບໃຈ ແລະ ອຶ່ນໆ.

(2) ສຸມໃສ່ປັບປຸງຄຸນນະພາບການສຶກສາ ແລະ ກໍ່ສ້າງຊັບພະຍາ ກອນມະນຸດ; ສືບຕໍ່ສຸມໃສ່ປະຕິບັດ ນະໂຍບາຍ ແລະ ມາດຕະ ການ ໃນການແກ້ໄຂບັນຫາການຂາດແຄນຄູ, ການປະຕິບັດນະໂຍບາຍອຸດໜູນ ຄູອາສາສະໝັກ ແລະ ການປະລະການຮຽນ ຕາມມະຕິເລກທີ 09/ລບ ໃຫ້ເປັນຮູບປະທໍາຫຼາຍຂຶ້ນ.

(3) ຮີບຮ້ອນຄົ້ນຄ້ວາປັບປຸງກອງທຶນປະກັນສຸຂະພາບ ຕາມທິດກຸ້ມຕົນເອງເທື່ອລະກ້າວ, ພ້ອມກັນ ນັ້ນ ກໍ່ຈະໄດ້ສືບຕໍ່ແກ້ໄຂບັນ ຫາໜີ້ສິນກອງທຶນປະກັນສຸຂະພາບ ເພື່ອບໍ່ໃຫ້ເກີດສະພາບການຂາດແຄນ ຢາປິ່ນປົວພະຍາດ ຢູ່ບາງແຂວງ ຍ້ອນຂາດສະພາບຄ່ອງທາງດ້ານການເງິນ ຄືຜ່ານມາ.

(4) ຄົ້ນຄ້ວານະໂຍບາຍ ແລະ ມາດຕະການ ໃນການແກ້ໄຂບັນຫາຂາດແຄນແຮງງານພາຍໃນປະເທດ ແລະ ການຄຸ້ມຄອງແຮງງານລາວທີ່ໄປອອກແຮງງານຢູ່ຕ່າງປະເທດ ເປັນຕົ້ນແມ່ນແຮງງານທີ່ໄປບໍ່ຖຶກຕ້ອງ ຕາມກົດໝາຍລະບຽບການ ແລະ ປະເມີນຄືນການປະຕິບັດນະໂຍບາຍຕ່າງໆທີ່ກຳນົດໃນບັນດານິຕິກຳທີ່ ໄດ້ອອກຜ່ານມາ.

(5) ຊຸກຍູ້ ແລະ ສົ່ງເສີມທຸກພາກສ່ວນໃນສັງຄົມ ປະກອບສ່ວນເຂົ້າໃນການພັດທະນາຊົນນະບົດ ແລະ ແກ້ໄຂຄວາມທຸກຍາກ; ປັບປຸງການເຂົ້າເຖິງສິນເຊື່ອຂອງທະນາຄານທຸລະກິດຂອງລັດ ແລະ ທະນາຄານທຸລະກິດຂອງເອກະຊົນ, ພ້ອມທັງຊຸກຍູ້ການປ່ອຍເງິນກູ້ຈາກກອງທຶນພັດທະນາຕ່າງໆ ພາຍໃນຊຸມຊົນເພື່ອສົ່ງເສີມການຜະລິດຂອງປະຊາຊົນ; ສືບຕໍ່ຈັດຕັ້ງປະຕິບັດກິດຈະກຳຂອງກອງທຶນຫຼຸດຜ່ອນຄວາມທຸກຍາກ ແລະ ກິດຈະກຳຂອງແຜນງານ ແລະ ໂຄງການຈາກທຶນຊ່ວຍເຫຼືອທາງການ, ກອງທຶນພັດທະນາຊຸມຊົນຈາກບັນດາໂຄງການສໍາປະທານຕ່າງໆ ເພື່ອການພັດທະນາຕາມແຜນກຳນົດໄວ້. ພ້ອມທັງສືບຕໍ່ຈັດຕັ້ງປະຕິ ບັດບັນດານະໂຍບາຍ ແລະ ນິຕິກຳໃນການພັດທະນາຊົນນະບົດ ແລະ ແກ້ໄຂຄວາມທຸກຍາກໃຫ້ມີປະສິດທິຜົນ.

ທີ່ມາ: Lao National Radio

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...