ສຳນັກຂ່າວຕ່າງປະເທດລາຍງານໃນວັນທີ 14 ມິຖຸນາ 2024 ນີ້ວ່າ: ບັນດາຄົນຮັກແມວໃນເລີ່ມຫັນມາຍີ່ປຸ່ນໃຊ້ AI ປະເມີນສຸຂະພາບແມວ ເຊິ່ງມີຊື່ວ່າ: ແຄັດມີ (CatsMe!) ເຊິ່ງເປັນແອັບພີເຄຊັນທີ່ສາມາດປະເມີນໄດ້ວ່າແມວມີຄວາມຮູ້ສຶກເຈັບປ່ວຍ ຫຼື ບໍ່ ເຊິ່ງຊ່ວຍຫຼຸດການຄາດເດົາໄດ້ວ່າເມື່ອໃດເຈົ້າຂອງຈຳເປັນຕ້ອງພາແມວໄປພົບສັດຕະວະແພດ.

ທ່ານ ແຄໂລຈິ ນັກວິໄຈຈາກມະຫາວິທະຍາໄລນິຮອນ ຜູ້ພັດທະນາແອັບແຄັດມີ ໂດຍການຝຶກຫັດ AI ກັບຮູບພາບແມວຫຼາຍກວ່າ 6000 ຮູບ ແລະ ມີລູກຄ້າໃຊ້ງານຫຼາຍກວ່າ 230,000 ຄົນນັບຕັ້ງແຕ່ເປີດໂຕເມື່ອປີທີ່ແລ້ວ ນັກພັດທະນາໄດ້ກ່າວວ່າ: ແອັບພິີເຄຊັນດັ່ງກ່າວມີຄວາມແມ້ນຍຳຫຼາຍກວ່າ 95%.

ມາຍູກິ ຄິຕະກາຕະ ອາຍຸ 57 ປີ ເຈົ້າຂອງແມວທີ່ຊື່ວ່າ: ຊິ ເປັນຜູ້ໃຊ້ແອັບແຄັດມີ ໄດ້ກ່າວວ່່າ: ແມວຂອງລາວມີອາຍຸຫຼາຍເຊິ່ງສາມາດປ່ວຍເປັນພະຍາດ ຫຼື ໂຣກຕ່າງໆຫຼາຍຂຶ້ນ ແລະ ການທີ່ສາມາດເຂົ້າຮັບຄຳປຶກສາກັບສັດຕະວະແພດໄດ້ ຍັງຊ່ວຍໃຫ້ຫຼຸດຜ່ອນການທຽວໄປໂຮງໝໍ ດັ່ງນັ້ນຈຶ່ງເປັນສິ່ງສຳຄັນສຳລັບລາວ ແລະ ແມວ.

ແຫຼ່ງຂ່າວ: ຮອຍເຕີ