ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ໃນວັນທີ 11 ມິຖຸນາ 2024 ທ່ານ ນາງ ຫົງຄໍາ ໄຊຍະຄົມ ເຂດເລືອກຕັ້ງທີ 13 ແຂວງສະຫວັນນະເຂດ ໄດ້ສະເໜີໃຫ້ລັດຖະບານແກ້ໄຂບັນຫາເຄັ່ງຮ້ອນດ້ານເສດຖະກິດຂອງປະເທດ, ໂດຍສະເພາະບັນຫາອັດຕາເງິນເຟີ້ ເຮັດໃຫ້ເງິນກີບອ່ອນຄ່າ ທີ່ປະຊາຊົນຄອງຄອຍໃຫ້ອັດຕາເງິນເຟີ້ຫຼຸດລົງ, ເນື່ອງຈາກປັດຈຸບັນສົ່ງຜົນກະທົບຕໍ່ຊີວິດການເປັນຢູ່ຂອງປະຊາຊົນ ເຮັດໃຫ້ຄ່າຄອງຊີບທີ່ໄດ້ຮັບແມ່ນບໍ່ກຸ້ມກິນ, ສິນຄ້າປະເພດຕ່າງໆຕາມທ້ອງຕະຫຼາດແມ່ນມີລາຄາເພີ່ມຂຶ້ນ.
ນອກນີ້, ທ່ານນາງ ວາລີ ເວດສະພົງ ສສຊ ເລກເລືອກຕັ້ງທີ 1 ນະຄອນຫຼວງ ວຽຈັນ ກໍໄດ້ຕັ້ງຄຳຖາມຫຼາຍບັນຫາ, ພ້ອມສະເໜີໃຫ້ລັດຖະບານແກ້ໄຂບັນຫາອັດຕາເງິນເຟີ້ເຊັ່ນດຽວກັນ, ພ້ອມວາງມາດຕະການຕໍ່ຜູ້ກະທຳຜິດຢ່າງເຂັ້ມງວດ. ໃນນັ້ນ, ຍັງສະເໜີໃຫ້ລັດຖະບານ ແກ້ໄຂບັນຫາວຽກງານການທ່ອງທ່ຽວເປັນຕົ້ນການບໍລິການໃຫ້ດີຂຶ້ນ, ທັງສະເໜີໃຫ້ມີການຫຼຸດການນໍາໃຊ້ເງິນຕາຕ່າງປະເທດ, ຫຼຸດການນໍາໃຊ້ນໍ້າມັນເຊື້ອໄຟ, ໂດຍຫັນມາໃຊ້ລົດໄຟຟ້າ ເພື່ອທົດແທນແມ່ນເປັນການດີ.
ຂ່າວ: ປະຊາຊົນ