ສຳນັກຂ່າວຕ່າງປະເທດລາຍງານ ໃນວັນທີ 28 ພຶດສະພາ 2024 ນີ້ ເກີດເຫດການສຸດຊ໋ອກຂອງວົງການບັນເທີງສະຫະລັດ ເມື່ອ ຈອນນີ ແວັກເຕີ ອາຍຸ 37 ປີ ນັກສະແດງຊາຍໜຸ່ມຊາວອາເມລິກາ ຈາກຊີຣີ້ເລື່ອງ general hospital ຖືກຍິງເສຍຊີວິດລັງພະຍາຍາມຂັດຂວາງແກ້ງໂຈນທີ່ກຳລັງລັກຊິ້ນສ່ວນຂອງລົດຕົນ.
ຕາມການລາຍງານເປີດເຜີຍວ່າ: ເຫດການດັ່ງກ່າວເກີດຂຶ້ນເມື່ອຊ່ວງເຊົ້າຂອງວັນທີ 25 ພຶດສະພາ 2024 ທີ່ຜ່ານມາ, ທີ່ຖະໜົນ ເຊົາໂຮບ ສະຕີດ ຢູ່ໃນລອສແອນເຈີລີສ ລັດແຄລິຟໍເນຍ ເຊິ່ງແວັກເຕີ ໄດ້ຖືກຍິງຈົນບາດເຈັບສາຫັດລັງພະຍາຍາມຢຸດໂຈນທີ່ກຳລັງພະຍາຍາມລັກຊິ້ນສ່ວນ ເຄື່ອງຟອກທໍ່ລົດ ຈາກລົດຂອງຕົນທີ່ຈອດຢູ່ ພາຍຫຼັງນຳສົ່ງໂຮງໝໍ ກ່ອນທີ່ຈະຖືກປະກາດວ່າເສຍຊີວິດໃນທີ່ສຸດ.
ທາງດ້ານແມ່ຂອງແວັກເຕີ ເລົ່າເຫດການວ່າ: ລູກຊາຍຂອງຕົນກັບໄປທີ່ລົດຫຼັງຈາກເລີກຈາກເຮັດວຽກ ໂດຍພົບຊາຍຄົນໜຶ່ງກຳລັງງັດລົດຂອງຕົນ ຈຶ່ງເຂົາໄປຖາມວ່າເກີດຫຍັງຂຶ້ນ ຈາກນັ້ນກໍຖືກຍິງທັນທີ, ທັງນີ້ແວັນເຕີ ມີຜົນງານການສະແດງຫຼາຍເລື່ອງ ໂດຍຜົນງານທີ່ມີຊື່ສຽງຫຼາຍທີ່ສຸດກໍຄື: ເລື່ອງ General Hospital ໃນຊ່ວງປີ 2020-2022 ກັບເລື່ອງ Siberia ຂອງຊ່ອງ NBC ໃນປີ 2023.
ແຫຼ່ງຂ່າວ: BBC