spot_img
Homeຂ່າວຕ່າງປະເທດເຈົ້າໜ້າທີ່ໄທ ບຸກຍຶດຢາສະຜົມ-ຄຣີມອາບນໍ້າປອມ

ເຈົ້າໜ້າທີ່ໄທ ບຸກຍຶດຢາສະຜົມ-ຄຣີມອາບນໍ້າປອມ

Published on

ເມື່ອວັນທີ 1 ພຶດສະພາທີ່ຜ່ານມາ, ເຈົ້າໜ້າທີ່ຕຳຫຼວດໄທ ໄດ້ເຂົ້າຄົ້ນເຮືອນຫຼັງໜຶ່ງ ຢູ່ບ້ານບົວທອງ, ເມືອງບາງບົວທອງ, ແຂວງນົນທະບູລີ ທີ່ໄດ້ຮັບແຈ້ງຈາກປະຊາຊົນວ່າ ເປັນບ່ອນລັກລອບຜະລິດຢາສະຜົມ-ຄຣີມອາບນໍ້າປອມຫຼາຍຍີ່ຫໍ້, ເພື່ອນໍາໄປຂາຍຕາມທ້ອງຕະຫຼາດໃນລາຄາທີ່ຖືກກວ່າລາຄາປົກກະຕິ.

ພາຍຫຼັງທີ່ເຈົ້າໜ້າທີ່ກວດຄົ້ນເຮືອນຫຼັງດັ່ງກ່າວພົບເຫັນຢາສະຜົມ-ຄຣີມອາບນໍ້າປອມຫຼາຍຍີ່ຫໍ້ ຈຳນວນ 129 ຕຸກເຊັ່ນ: Sunsilk, head and shoulders, PANTENE, Loreal, Vaseline, Shokubutsu, DOVE…ດັ່ງນັ້ນ, ເຈົ້າໜ້າທີ່ຈຶ່ງໄດ້ຍຶດເອົາສິນຄ້າ ພ້ອມກັບກັກຕົວຜູ້ກະທຳຜິດ.

ຈາກການສອບປາກຄຳຜູ້ກ່ຽວຮັບສາລະພາບວ່າ: ໄດ້ທຳການສຶກສາວິທິເຮັດຢາສະຜົມ-ຄຣີມອາບນໍ້າປອມ ມາຈາກຢູທູບ ແລະ ພັດທະນາສູດຫຼາຍຄັ້ງໃຫ້ມີລັກສະນະໃກ້ຄຽງກັບສິນຄ້າຈິງ, ສຳລັບຂວດບັນຈຸແມ່ນຊື້ມາຈາກຮ້ານຊື້-ຂາຍເຄື່ອງເກົ່າ, ນໍາມາລ້າງ ແລະ ບັນຈຸສ່ວນປະສົມລົງໄປ, ຫຼັງຈາກນັ້ນກໍນຳໄປຈໍາໜ່າຍຕາມທ້ອງຕະຫຼາດ ໂດຍຕິດປ້າຍໂຄສະນາສະເໜີຂາຍໃນລາຄາໂປຣໂມຊັ່ນ, ບາງຄັ້ງກໍອ້າງວ່າ: ເປັນສິນຄ້າມີຕໍາໜິ, ຂວດບັນຈຸສິນຄ້າບໍ່ຜ່ານມາດຕະຖານໂຮງງານ ຈຶ່ງສາມາດມາຂາຍໃນລາຄາທີ່ຖືກກວ່າປົກກະຕິໄດ້.

ນອກນີ້, ເຈົ້າໜ້າທີ່ໄດ້ຢໍ້າເຕືອນປະຊາຊົນວ່າ: ຕ້ອງສັງເກດສິນຄ້າໃຫ້ດີໂດຍສະເພາະ ສະຫຼາກສິນຄ້າ, ກະຕຸກບັນຈຸສິນຄ້າ, ກິ່ນ, ສີ ແລະ ລາຄາທີ່ຖືກຜິດປົກກະຕິ ຫຼືມີອາການແພ້ຫຼັງຈາກໃຊ້ແມ່ນໃຫ້ຢຸດໃຊ້ທັນທີ, ເພາະອາດສ່ຽງເກີດອັນຕະລາຍຕໍ່ຜິວໜັງ ແລະ ເສັ້ນຜົມຂອງຜູ້ບໍລິໂພກໄດ້.

ຂ່າວ: Khaosod

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...