ສຳນັກຂ່າວຕ່າງປະເທດລາຍງານໃນວັນທີ 30 ເມສາ 2024 ນີ້ກ່ຽວກັບເລື່ອງລາວສຸດໂຊກດີເມື່ອ “Charlie Saephan” ທີ່ເປັນຄົນລາວອົບພະຍົບໄປຢູ່ໃນສະຫະລັດອາເມລິກາຕັ້ງແຕ່ປີ 1990 ໄດ້ຖືກຫວຍລາງວັນແຈັກພອດ (ພາວເວີບອນ) ໃນລັດໂອເຣກອນ ເປັນເງິນຈຳນວນ 1,300 ລ້ານໂດລາ ນັບເປັນເງິນລາງວັນສູງເປັນອັນດັບ 8 ໃນປະຫວັດສາດສະຫະລັດ.

ຊາລີເປັນຜູ້ປ່ວຍຈາກໂຣກມະເຮັງຕັ້ງແຕ່ປີ 2016 ໂດຍລາວບອກວ່າຈະແບ່ງລາງວັນນີ້ໃຫ້ກັບເມຍ ແລະ ໝູ່ລາວອີກຄົນໜຶ່ງ, ສຳລັບຫວຍທີ່ຖືກລາງວັນ ຊາລີ ຊື້ໃນລາຄາໃບລະ 2 ໂດລາ ຫຼື ປະມານ 44 ພັນກີບ, ກົງກັບໝາຍເລັກ 2 ຫຼັກທຸກຈຳນວນທີ່ອອກ ໂດຍໂອກາດທີ່ຈະຖືກລາງວັນແຈັກພອດໃນຄັ້ງນີ້ມີພຽງ 1 ໃນ 292.3 ລ້ານເທົ່ານັ້ນ ເຊົິ່ງໃນເງິນລາງວັນນີ້ຖ້າບໍ່ມີໃຜຖືກໃນແຕ່ລະງວດ ກໍຈະທົບຍອດໄປເລື້ອຍໆຈົນເຮັດໃຫ້ເປັນເງິນສະສົມທີ່ເປັນລາງວັນໃຫຍ່ຂຶ້ນ.

ການຮັບເງິນລາງວັນຫວຍ ເລືອກຮັບໄດ້ 2 ວິທີ ສາມາດເລືອກວິທີໃດວິທີໜຶ່ງເຊິ່ງຫາກຮັບເປັນກ້ອນດຽວຈະໄດ້ຮັບເປັນເງິນສົດ 608.6 ລ້ານໂດລາເທົ່ານັ້ນ ຫຼື ວິທີທີ່ 2 ຄືຮັບເງິນລາງວັນເຕັມຈຳນວນແຕ່ຈະຕ້ອງຮັບເປັນງວດ ໃນປີລະຄັ້ງລວມທັງໝົດ 29 ປີ.