ໃນວັນທີ 26 ເມສາ 2024 ຜ່ານມາ, ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ຮ່ວມກັບຄະນະກຳມະການຄຸ້ມຄອງ-ກວດກາຊັບສິນທາງປັນຍາຂັ້ນ ນະຄອນຫຼວງວຽງຈັນ ໄດ້ຈັດພິທີທໍາລາຍສິນຄ້າທີ່ລະເມີດເຄື່ອງໝາຍການຄ້າ ໃນໂອກາດວັນຊັບສິນທາງປັນຍາໂລກຄົບ ຮອບ 24 ປີຄື: (26 ເມສາ 2000-26 ເມສາ 2024) ລວມມູນ ຄ່າສິນຄ້າທີ່ນຳມາທຳລາຍເກືອບ 2 ຕື້ກີບ.
ສຳລັບສິນຄ້າທີ່ລະເມີດເຄື່ອງໝາຍການຄ້າປະກອບມີເຄື່ອງໝາຍການຄ້າຂອງ HONDA WAVE ZOOMER-X CLICK MSX GX DOUBLE BIG-GUN OHO CASUMINA ແລະ MNV ປະເພດລົດຈັກ ນ້ຳມັນເຄື່ອງອາໄຫຼ່ ເຄື່ອງຈັກຕ່າງໆ ຢາງລົດໄຖນາເດີນຕາມ ຢ່າງຕີນລົດຮຸນໄດ ເຄື່ອງສໍາອາງ MNV (ແປ້ງນໍ້າໝັກໜ້າ) ແລະ ຄີມທາໜ້າໂອໂຫ ເຊິ່ງໄດ້ມາຈາກການລົງກວດກາ 16 ເປົ້າໝາຍ 6 ຄັ້ງ.
ສິນຄ້າທີ່ນຳມາທໍາລາຍຄັ້ງປະກອບມີ ລົດຈັກ 53 ຄັນ ມູນ ຄ່າ 503.500.000 ກີບ ອາ ໄຫຼ່ ແລະ ເຄື່ອງຈັກຕ່າງໆ 258 ຊີ້ນ ມູນຄ່າ 129 ລ້ານກີບ ນໍ້າມັນເຄື່ອງ 41 ແກັດ ມູນຄ່າ 26 ລ້ານກີບ ຢ່າງລົດໄຖນາ 450 ເສັ້ນ ມູນຄ່າ 315 ລ້ານກີບ ຄີມທາໜ້າຍີ່ຫໍ້ OHO 11.610 ກ່ອງ ມູນຄ່າ 917.190.000 ກີບ ຢາງຕີນລົດຮຸນໄດ 36 ເສັ້ນ ມູນຄ່າ 23.400.000 ກີບ ແລະ ເຄື່ອງສໍາອາງ MNV 675 ກັບ ມູນຄ່າ 30.375.000 ກີບ ລວມມູນຄ່າທັງໝົດ: 1.944.465.000 ກີບ.
ແຫຼ່ງຂ່າວ: ວຽງຈັນທຸລະກິດສັງຄົມ