ອີງຕາມການລາຍງານຂ່າວຈາກ VnExpress (ສຳນັກຂ່າວທ້ອງຖິ່ນຂອງຫວຽດນາມ) ໄດ້ລາຍງານໃຫ້ຮູ້ວ່າ: ເມື່ອບໍ່ດົນມານີ້, ກອງປະຊຸມວິສາມັນຂອງສູນກາງຫວຽດນາມໄດ້ເຫັນດີເປັນເອກະສັນໃຫ້ທ່ານ ເວືອງດິງ ເຫວ້ ຢຸດຕິການເປັນກຳມະການກົມການເມືອງ, ກຳມະການສູນກາງພັກສະໄໝທີ 13 ແລະ ປະທານສະພາແຫ່ງຊາດຊຸດທີ 15 ຕາມຄວາມມຸ່ງມາດປາຖະໜາຂອງຕົນ. ພາຍຫຼັງທີ່ທ່ານ ເວືອງດິ່ງເຫວ້ ໄດ້ຍື່ນໃບຂໍອະນຸຍາດລາອອກຈາກຕຳແໜ່ງທີ່ພວມປະຕິບັດ ແລະ ຢຸດຕິການປະຕິບັດງານ ໂດຍເຫັນໄດ້ເຖິງໜ້າທີ່ຄວາມຮັບຜິດຊອບຕໍ່ພັກ, ລັດ ແລະ ປະຊາຊົນ.
ອີງຕາມຂໍ້ກໍານົດທີ່ປະກາດໃຊ້ໃນປັດຈຸບັນ ຂອງພັກ, ລັດ ແລະ ພິຈາລະນາຕາມຄວາມມຸ່ງຫວັງຂອງ ທ່ານ ເວືອງດິ່ງເຫວ້, ຄະນະບໍລິຫານງານສູນກາງພັກ ຫວຽດນາມ ໄດ້ເຫັນດີຕາມຄຳສະເໜີໃຫ້ ທ່ານ ເວືອງດິ່ງເຫວ້ ລາອອກຈາກບັນດາຕຳແໜ່ງຄື: ກຳມະການກົມການເມືອງ, ກຳມະການຄະນະບໍລິຫານງານສູນກາງພັກຊຸດທີ XIII, ປະທານສະພາແຫ່ງຊາດ ສສ ຫວຽດນາມ ຊຸດທີ XV ອາຍຸການ 2021 – 2026.
ຂ່າວ: ປະຊາຊົນ.