ແມ່ຕູ້ຊາວຈີນອາຍຸ 81 ປີ ທ້າຄວາມສູງ ທົດສອບກຳລັງວັງຊາ ດ້ວຍການໂຕນຈ້ອງດິ່ງພະສຸທາ ໂບຍບິນເໜືອທ້ອງຟ້າ
ໃນປະເທດອົດສະຕາລີີ.
ສຳນັກຂ່າວຕ່າງປະເທດລາຍງານ ໃນວັນທີ 11 ທັນວາຜ່ານມານີ້ວ່າ ແມ່ຕູ້ ໝິ່ນ ອາຍຸ 81 ປີ ຈາກເມືອງສືຢ່ຽໜ ແຂວງ
ຫູເປີ່ຍ ທາງພາກກາງຂອງປະເທດ ໄດ້ທ້າທາຍຄວາມແຂງແກ່ນດ້ານຈິດໃຈ ແລະ ຮ່າງກາຍຂອງຕົນເອງ ດ້ວຍການຂໍ
ຫລິ້ນກິລາໂຕນຈ້ອງ ໃນປະເທດອົດສະຕາລີ ຫລັງຈາກຮູ້ສຶກສົນໃຈ ແລະ ຢາກລອງຫລິ້ນກິລາສຸດຫວາດສຽວຊະນິດນີ້
ໃນລະຫວ່າງທີ່ແມ່ຕູ້ເດີນທາງມາຢ້ຽມຢາມລູກຊາຍຂອງຕົນ.
ຢ່າງໃດກໍຕາມ ແມ່ຕູ້ໝິ່ນ ບໍ່ໄດ້ຂຶ້ນໄປເຫີນເວລາດ້ວຍຕົນເອງຕາມລຳພັງ, ແຕ່ມີຄູເຝິກຊາວອົດສະຕາລີ ຄອຍຊ່ວຍ
ໃຫ້ການຄວບຄຸມດູແລ ແລະ ພາກະໂດດລົງຈາກເຮືອບິນທີ່ກຳລັງທະຍານຢູ່ເທິງທ້ອງຟ້າ ແລ້ວເຫີນລົງມາສູ່ພາກພື້ນ
ດິນພ້ອມກັນ ໂດຍແມ່ຕູ້ຍັງຄົງແຂງແຮງສົມບູນດີທຸກປະການ ພ້ອມກັບສົ່ງຮອຍຍິ້ມດ້ວຍຄວາມດີອົກດີໃຈ ເມື່ອໄດ້
ຮັບໃບປະກາສະນິຍະບັດ ທີ່ໄດ້ປະກາດວ່າ ແມ່ຕູ້ໄດ້ຜ່ານການໂດດຈ້ອງພິ່ງພະສຸທາ ເປັນທີ່ຮຽບຮ້ອຍແລ້ວ.
