ທ້າຍອາທິດຜ່ານມານີ້, ທ່ານ ພອນສະຫວັນ ໄຊສົມພັນ ເຈົ້າເມືອງຫົງສາ ພ້ອມດ້ວຍຄະນະກຳມະການຄຸ້ມຄອງໄພພິບັດຂັ້ນເມືອງ ໄດ້ເຄື່ອນໄຫວກວດກາເບິ່ງເຮືອນທີ່ໄດ້ຮັບຜົນກະທົບຈາກລົມພາຍຸພັດຢູ່ບ້ານຫ້ວຍຈ້ວງ ເມື່ອວັນທີ 15 ເມສາທີ່ຜ່ານມາ.
ໃນນີ້, ອີງຕາມຂໍ້ມູນຜົນເສຍຫາຍໃນເບື້ອງຕົ້ນ ຢູ່ບ້ານຫ້ວຍຈ້ວງ ໄດ້ຮັບຜົນກະທົບທັງໝົດ ຈຳນວນ 99 ຄອບຄົວ, ມີ 452 ຄົນ, ຍິງ 202 ຄົນ, ເຮືອນທີ່ໄດ້ຮັບຜົນກະທົບສ່ວນຫຼາຍແມ່ນຫຼັງຄາ, ນອກນີ້ມີເລົ້າເຂົ້າປະຖົມປະຖານເປ່ເພ ແລະ ກົກໄມ້ລົ້ມທັບງົວຕາຍ ຈໍານວນ 1 ໂຕ.
ນອກນີ້ຍັງມີ ຍັງມີບ້ານປາກຫ້ວຍຍາງ 1 ຄອບຄົວ, ສັງກະສີເສຍຫາຍ ຈໍານວນ 26 ແຜ່ນ ແລະ ບ້ານນໍ້າສິບ ມີຄອບຄົວທີ່ຖືກຜົນກະທົບທັງໝົດ ຈໍານວນ 3 ຄອບຄົວ, ກະເບື້ອງເສຍຫາຍຈໍານວນ 41 ແຜ່ນ, ແຜ່ນລົບກະເບື້ອງ 6 ຄູ່, ສັງກະສີເສຍຫາຍ ຈໍານວນ 30 ແຜ່ນ.
ທີ່ມາ: ຖວທ ເມືອງຫົງສາ