ສຳນັກຂ່າວຕ່າງປະເທດລາຍງານໃນວັນທີ 10 ເມສາ 2024 ຜ່ານມາ, ທາງການຣັດເຊຍ ແລະ ຄາຊັກສະຖານໄດ້ອອກຄຳສັ່ງໃຫ້ປະຊາຊົນຫຼາຍກວ່າ 100,000 ຄົນອົບພະຍົບໜີໄພນ້ຳຖ້ວມ ເນື່ອງຈາກຫິມະຢູ່ເທີງພູອູລານລະລາຍຢ່າງໄວວາ ຈຶ່ງເຮັດໃຫ້ປະລິມານຫຼວງຫຼາຍໄຫຼລົງສູ່ແມ່ນ້ຳອູລານ ເຊິ່ງເປັນແມ່ນ້ຳທີ່ຍາວທີ່ສຸດເປັນອັນດັບ 3 ຂອງທະວີບເອີຮົບ ເຮັດໃຫ້ລະດັບນ້ຳເພີ່ມຂຶ້ນສູງທີ່ສຸດໃນປະຫວັດສາດ ໃນຊ່ວງວັນທີ 9 ເມສາ 2024 ຜ່ານມາ ແລະ ອາດເຮັດໃຫ້ຣັດເຊຍ ແລະ ຄາຊັກສະຖານປະສົບກັບໄພນ້ຳຖ້ວມທີ່ຮ້າຍແຮງທີ່ສຸດໃນຮອບ 70 ປີ.

ທາງດ້ານປະທານາທິບໍດີ ຣັດເຊຍ ໄດ້ຫາລືກັບ ປະທານາທິບໍດີຄາຊັກສະຖານ ອອກຄຳສັ່ງໃຫ້ປະຊາຊົນກວ່າ 86,000 ຄົນອົບພະຍົບໜີນ້ຳຖ້ວມ ເຊິ່ງກ່ອນໜ້ານີ້ ຊາວຣັດເຊຍໃນເມືອງອອສ ທາງຕອນໃຕ້ຕິດກັບຄາຊັກສະຖານ ໄດ້ປະສົບກັບໄພນ້ຳຖ້ວມສູງເນື່ອງຈາກເຂື່ອງແຫ່ງໜຶ່ງແຕກ.