ສຳນັກຂ່າວຕ່າງປະເທດລາຍງານວ່າ: ຈາກເຫດການໄຟໄໝ້ທີ່ປະເທດຊີລີເມື່ອວັນທີ 2 ກຸມພາທີ່ຜ່ານມາ, ຫຼ້າສຸດເຈົ້າໜ້າທີ່ສາມາດຄົ້ນພົບຜູ້ເສຍຊີວິດຈາກເຫດການດັ່ງກ່າວເຖິງ 122 ຄົນແຕ່ຍັງຄົງມີຜູ້ສູນຫາຍ, ເຊິ່ງເຈົ້າໜ້າທີ່ກຳລັງທຳການເຂົ້າໄປຍັງພື້ນທີ່ເກີດເຫດເພື່ອທຳການຊ່ວຍເຫຼືອຢ່າງຮີບດ່ວນ.
ເມື່ອເວລາ 21:00 ນາທີຂອງວັນທີ 4 ກຸມພາທີ່ຜ່ານມາ, ທາງການຊີລີໄດ້ປະກາດພາວະສຸກເສີນໃນພື້ນທີ່ທີ່ໄດ້ຮັບຜົນກະທົບໜັກທີ່ສຸດ ແລະ ສົ່ງທະຫານລົງໄປຊ່ວຍເຈົ້າໜ້າທີ່ດັບເພີງສະກັດກັ້ນໄຟທີ່ກຳລັງລຸກລາມ, ສົມທົບກັບກອງກຳລັງເຮລີຄອບເຕີຊ່ວຍດັບໄຟທາງອາກາດ.
ເຫດການໄຟໄໝ້ປ່າໄດ້ລຸກລາມໄປຍັງພື້ນທີ່ເມືອງ ວິນາ ເດລມາ ແລະ ບັລປາຣາອີໂຊ, ເຊິ່ງເປັນເມືອງຊາຍຟັ່ງທະເລ ທາງທິດຕາເວັນຕົກຂອງເມືອງຊານດິເອໂກ ທີ່ມີປະຊາກອນລວມກັນຫຼາຍກວ່າ 1 ລ້ານຄົນ.
ພາບຖ່າຍທາງອາກາດໃນພື້ນທີ່ດເກີດເຫດສະແດງໃຫ້ເຫັນຄວາມເສຍຫາຍຂອງບ້ານເຮືອນປະຊາຊົນ ແລະ ທ້ອງຖະໜົນເຕັມໄປດ້ວຍຊາກລົດທີ່ຖືກໄຟໄໝ້.ສຳລັບພື້ນທີ່ດັ່ງກ່າວມັກເກີດໄຟປ່າຂຶ້ນເປັນປະຈຳໃນຊ່ວງລະດູຮ້ອນ, ແຕ່ຍອດຜູ້ເສຍຊີວິດໃນຄັ້ງນີ້ແມ່ນມີຈຳນວນຫຼາຍຖືວ່າເປັນໄພພິບັດລະດັບຊາດທີ່ໂຫດຮ້າຍທີ່ສຸດຂອງປະເທດ.