ອີງຕາມການລາຍງານ ຂອງສຳນັກຂ່າວໄຕ້ຫວັນ ໃນວັນທີ 27 ມັງກອນ 2024 ຜ່ານມາ, ຄູ່ຮັກຊາວຈີນຈັດງານແຕ່ງງານ ໃນໂຮງແຮມແຫ່ງໜຶ່ງ ເຊິ່ງພາຍໃນງານມີແຂກຖືກເຊີນມາຈຳນວນຫຼວງຫຼາຍ ແຕ່ທຸກຄົນຕ້ອງຕົກໃຈເມື່ອເຈົົ້າບ່າວເປີດວີດີໂອ ເຊີໄພ້ເຈົ້າສາວ ເຊິ່ງເປັນຄລິບວີດີໂອທີ່ເຈົ້າສາວກຳລັງແອບນອກໃຈກັບຊາຍຄົນອື່ນ.
ຕາມການລາຍງານລະບຸວ່າ: ເຈົ້າສາວໄດ້ນັດກັບຊາຍແປກໜ້າທີ່ບໍ່ແມ່ນເຈົ້າບ່າວ ກ່ອນຈະຮອດວັນຈັດງານແຕ່ງ ແຕ່ມີຄົນບັງເອີນໄປພົບເຫັນ ແລະ ໄດ້ບັນທຶກພາບສົ່ງມາໃຫ້ເຈົ້າບ່າວ, ຫຼັງຮູ້ຄວາມຈິງ ເຈົ້າບ່າວຮູ້ສຶກເສຍໃຈ ແລະ ແຄ້ນ ເຂົາຈຶ່ງຕັດສິນໃຈບໍ່ຍົກເລີກງານແຕ່ງ ເພາະຕ້ອງການແກ້ແຄ້ນ ໂດຍການເປີດຄລິບວີດີໂອດັ່ງກ່າວກາງງານແຕ່ງໃຫ້ແຂກທຸກຄົນໄດ້ເຫັນ.
ສ່ວນທາງເຈົ້າສາວເມື່ອໄດ້ເຫັນວີດີໂອໃນງານແຕ່ງ ຮູ້ສຶກອັບອາຍ ແລະ ຟ້າວອອກຈາກງານແຕ່ງໃນທັນທີ ເຊັ່ນດຽວກັບຄອບຄົວຝ່າຍເຈົ້າສາວທີ່ຮູ້ສຶກເສຍໜ້າ ແລະ ອັບອາຍ ໂດຍງານແຕ່ງຖືກຍົກເລີກກະທັນຫັນ ແລະ ຄອບຄົວທັງສອງຝ່າຍກໍຕັດຄວາມສຳພັນກັນລົງແບບແນມໜ້າກັນບໍ່ຕິດເລີຍ.
ຢ່າງໃດກໍຕາມຫຼັງຈາກວີດີໂອຖືກເຜີຍແຜ່ອອກໄປໃນສື່ສັງຄົມອອນລາຍຊາວເນັດຕ່າງເຂົ້າໄປສະແດງຄວາມຄິດເຫັນຢ່າງຫຼວງຫຼາຍ ບາງສ່ວນກໍເຂົ້າຂ້າງເຈົ້າບ່າວ ໂດຍສະແດງຄວາມຄິດເຫັນວ່າ: ເຈົ້າບ່າວຍັງໃຈເຍັນຫຼາຍ, ຕອນເຮັດບໍ່ອາຍ ຕອນນີ້ກັບມາອາຍ, ຢ່າຢ້ານອາຍ ຖ້າຍັງຄິດຈະຫຼິ້ນຊູ້, ສ່ວນບາງຄົນກໍສະແດງຄວາມຄິດເຫັນປະມານວ່າ: ເຖິງຈະເສີຍໃຈ ຫຼື ແຄ້ນກໍບໍ່ມີສິດເຜີຍແຜ່ວີດີໂອປະຈານກັນແບບນີ້ ເຖິງເຈົ້າສາວຈະນອກໃຈມັນກໍເປັນພຽງພຶດຕິກຳກ່ອນງານແຕ່ງ ຍັງຖືວ່າບໍ່ເປັນຜົວເມຍກັນ ຫາກບໍ່ຢາກແຕ່ງກໍພຽງແຕ່ຍົກເລີກງານໄປກໍພໍ.
ທີ່ມາ: Sanook