ຫູ ຈວນ ໄດ້ຮັບການພິຈາລະນາວ່າ ເປັນພະຍາດ ຫລື ຄວາມຜິດປົກກະຕິທີ່ເອີ້ນວ່າ “Cutis laxa” ຄື ຜິວໜັງຈະມີຄວາມຫ່ຽວຍານ ຮ່ອງຮອຍ ແລະ ຄວາມຍືດຫຍຸ່ນກໍຫລຸດລົງຢ່າງວ່ອງໄວ ໂດຍອາການນີ້ ມີພຽງ 10 ຄົນໃນໂລກເທົ່ານັ້ນທີ່ຈະເກີດໄດ້ ແລະ ກໍພົບແລ້ວໜຶ່ງຄົນໃນປະເທດຈີນນີ້ເອງ ຕາມແຫລ່ງຂ່າວ ຊິງຫົວ ບອກວ່າ ບໍ່ມີຫຍັງທີ່ສາມາດແກ້ຄວາມຜິດປົກກະຕິໃຫ້ຫາຍຂາດໄດ້ ນອກຈາກການສັນຍະກຳ ພາສະຕິກເທົ່ານັ້ນ
11 ປີທີ່ຜ່ານມາ ຜົວ ຫູຈວນ ຢູ່ຄຽງຂ້າງນາງສະເໝີມາ ເນື່ອງດ້ວຍເຂົ້າໃຈທີ່ນາງຕ້ອງທົນເຫັນສະພາບຕົນເອງປ່ຽນໄປພຽງບໍ່ຈັກປີ ນາງຫລີກລ້ຽງການພົບຜູ້ຄົນ ແລະ ແຍງແວ່ນ ແຖມຍັງສ້າງເລື່ອງໜ້າເສົ້າອີກຄື ລູກຊາຍຂອງນາງກໍຫ່າງນາງໄປ ແລະ ບໍ່ກ້າບອກໝູ່ໆວ່າ ນາງຄືແມ່ຂອງລາວ ນາງຕ້ອງທົນກັບຄວາມໂສກເສົ້າເສຍໃຈ ແຖມຍັງເຄີຍຄິດຂ້າໂຕເອງຕາຍນໍາອີກ
ເຊິ່ງເປັນທີ່ໜ້າຍິນດີເພາະ ທີມຜູ້ຊ່ຽວຊານຈາກຄີນິກ ສັນຍະກຳພາສຕິກໃນ ຊຽງໄຮ້ ໄດ້ຍື່ນມືເຂົ້າຊ່ວຍເຫລືອ ຫູຈວນ ແລ້ວ ໂດຍນາງບອກວ່າ ມັນເຮັດໃຫ້ນາງມີຄວາມຫວັງວ່າ ຈະເຮັດໃຫ້ນາງກັບມາສາວໄດ້ຄືເກົ່າ