ອີງຕາມສຳນັກຂ່າວຕ່າງປະເທດ ລາຍງານໃນວັນທີ 10 ມັງກອນ 2024 ຜ່ານມາ, ໄດ້ເກີດເຫດຄວາມວຸ້ນວາຍພາຍໃນປະເທດປາປົວນິວກີນີ ປະເທດໝູ່ເກາະມນມະຫາສະມຸດ ທາງເໜືອຂອງອອສເຕເລີຍ ໂດຍມີຄົນຈຳນວນຫຼາຍອອກມາປຸ້ນຈີ້ ແລະ ຈູດໄຟເຜົາຮ້ານຄ້າ ແລະ ຊັບສິນຕ່າງໆ ໃນກຸງພອສມອສບີ ເມືອງຫຼວງຂອງປະເທດ.

ເຫດການຄວາມວຸ້ນວາຍນີ້ເກີດຂຶ້ນເນື່ອງຈາກ ເຈົ້າໜ້າທີ່ຕຳຫຼວດປະຈຳເມືອງຫຼວງພາກັນນັດຢຸດປະຕິບັດໜ້າທີ່ ເພື່ອຮວມຕົວກັນເພື່ອປະທ້ວງ ຈາກກໍລະນີທີ່ເງິນພວກເຂົາຫາຍໄປບາງສ່ວນ.

ທ່ານ ພາວ ປາຄອບ ຜູ້ວ່າການເຂດເມືອງຫຼວງແຫ່ງຊາດ ກ່າວວ່າ: ຊັບສິນໄດ້ຖືກຜູ້ສວຍໂອກາດປຸ້ນໄປ ຫຼັງຈາກເຫດການຄວບຄຸມບໍ່ໄດ້ ຈາກເຫດການດັ່ງກ່າວເຮັດໃຫ້ມີຜູ້ເສຍຊີວິດທັງໝົດ 9 ຄົນ ແລະ ເສຍຊີວິດອີກ 7 ຄົນ ຈາກເມືອງແລ ທາງຕອນເໜືອຂອງປະເທດ, ທາງດ້ານນາຍົກລັດຖະມົນຕີປາປົວນິວກີນີ ໄດ້ອອກຄຳສັ່ງສົ່ງຕຳຫຼວດພິເສດລົງພື້ນທີ່ເພື່ອຮັກສາຄວາມສະຫງົບຮຽບຮ້ອຍແລ້ວ.