ອີງຕາມສຳນັກຂ່າວຕ່າງປະເທດລາຍງານໃນວັນທີ 2 ມັງກອນ 2024 ນີ້ວ່າ, ທ່ານ ອີແຈ-ມະຍອງ ຜູ້ນຳຝ່າຍຄ້ານທາງການເມືອງເກົາຫຼີໃຕ້ ຖືກແທງຄໍທາງດ້ານຊ້າຍໃນຂະນະທີ່ຖະແຫຼງຂ່າວ ທີ່ປູຊານທາງຕອນໃຕ້, ຜູ້ນຳຝ່າຍຄ້ານເກົາຫຼີໃຕ້ ຍັງມີສະຕິຢູ່ ກ່ອນຖືກສົ່ງຕົວໄປໂຮງໝໍປະມານ 20 ນາທີຫຼັງຈາກຄົນຮ້າຍລົງມືກໍ່ເຫດ.
ປັດຈຸບັນ ທ່ານ ອີ ບໍ່ໄດ້ເປັນສະມາຊິກສະພານິຕິບັນຍັດຂອງເກົາຫຼີໃຕ້ ແຕ່ໄດ້ຮັບການຄາດຫວັງຢ່າງກວ້າງຂວາງວ່າ: ຈະລົງສະມັກຮັບຕຳແໜ່ງ ໃນການເລືອນຕັ້ງທົ່ວໄປຄັ້ງຕໍ່ໄປ ເຊິ່ງຈະຈັດຂຶ້ນໃນເດືອນເມສາ ປີ 2024.
ສຳລັບ ທ່ານ ອີ ແພ້ການເລືອກຕັ້ງປະທານາທິບໍດີໃນປີ 2022 ດ້ວຍຄະແນນສຽງຕ່າງກັນ 0.73% ຈາກທ່ານ ຍຸນ ຊຸກຍໍ ປະທານາທິບໍດີຄົນປະຈຸບັນ ຖືເປັນການແຂ່ງຂັນຊິງຕຳແໜ່ງປະທານາທິບໍດີທີ່ໃກ້ຄຽງທີ່ສຸດໃນປະຫວັດສາດເກົາຫຼີໃຕ້.
ທີ່ມາ: ຂ່າວສົດ