spot_img
Homeຂ່າວທ້ອງຖິ່ນກວດພົບສິນຄ້າໝົດອາຍຸ 25 ລາຍການ ໃນຂອບເຂດເມືອງລະມາມ ແຂວງເຊກອງ

ກວດພົບສິນຄ້າໝົດອາຍຸ 25 ລາຍການ ໃນຂອບເຂດເມືອງລະມາມ ແຂວງເຊກອງ

Published on

ແຫຼ່ງຂ່າວຈາກ ແຂວງເຊກອງ ໃຫ້ຮູ້ວ່າ: ເຈົ້າໜ້າທີ່ກວດກາການຄ້າ ຂະແໜງການຄ້າພາຍໃນ ພະແນກອຸດສາຫະກຳ ແລະ ການຄ້າ (ອຄ) ແຂວງເຊກອງ ໄດ້ສົມທົບກັບຫ້ອງການ ອຄ ເມືອງລະມາມ ແລະ ຂະແໜງອາຫານ ແລະ ຢາ ພະແນກສາທາລະນະສຸກແຂວງ ລົງຕິດຕາມ ກວດກາ ສິນຄ້າໝົດອາຍຸ, ສິນຄ້າເສື່ອມຄຸນນະພາບ ໃນຂອບເຂດເມືອງລະມາມ ແຂວງເຊກອງ ເມື່ອບໍ່ດົນມານີ້, ເຊິ່ງພົບສິນຄ້າໝົດອາຍຸ ລວມ 25 ລາຍການ ໂດຍການນໍາພາຂອງທ່ານ ດາວວີ ສວຍທະລັງສີ ຫົວໜ້າພະແນກອຸດສາຫະກໍາ ແລະ ການຄ້າແຂວງ.

ທ່ານ ໄຊປັນຍາ ເກດທອງພັນ ຮອງຂະແໜງການຄ້າພາຍໃນ ພະແນກອຸດສາຫະກຳແລະ ການຄ້າແຂວງ ໄດ້ລາຍງານວ່າ: ຈຸດປະສົງຂອງການລົງກວດກາໃນຄັ້ງນີ້ ເພື່ອຮັບປະກັນຜົນປະໂຫຍດ ແລະ ຄວາມຍຸດຕິທໍາ ໃຫ້ຜູ້ບໍລິໂພກ, ຜູ້ນໍາໃຊ້ສິນຄ້າ ກໍຄືນໍາໃຊ້ມາດຕະການ ເພື່ອຮັກສາຊີວິດ, ສຸຂະພາບ, ຊັບສິນ ແລະ ສິດທິຂອງປະຊາຊົນ ແລະ ເພື່ອຄວາມປອດໄພໃຫ້ແກ່ຜູ້ບໍລິໂພກ.

ຜ່ານການລົງຕິດຕາມກວດກາ ຕາມຫ້າງຮ້ານເປົ້າໝາຍ, ຕະຫລາດສົດ, ຮ້ານຂາຍເຄື່ອງສົ່ງ, ຮ້ານສັບພະສິນຄ້າ,ງານຕະຫລາດນັດ ແລະ ຮ້ານຂາຍເຄື່ອງຍ່ອຍທົ່ວໄປ ຈໍານວນ 30 ຮ້ານ, ສາມາດກວດພົບສິນຄ້າທີ່ໝົດອາຍຸ ເສື່ອມຄຸນນະພາບ ຈຳນວນ 18 ຮ້ານ, ພົບເຫັນສິນຄ້າທີ່ໝົດອາຍຸ ແລະ ສ້າງບົດບັນທຶກການກວດກາກັບເຈົ້າຂອງຮ້ານ ທັງໝົດ 25 ລາຍການ ລວມມູນຄ່າເກືອບ 6 ລ້ານກີບ ໃນນີ້, ມີຮ້ານທີ່ໄດ້ສ້າງບົດບັນທຶກສອງຄັ້ງຂຶ້ນໄປ ມີການປັບໃໝ ຈຳນວນ 50% ຂອງມູນຄ່າສິນຄ້າ ຕາມກົດໝາຍ ທັງໝົດ 10 ຮ້ານ ແລະ ຄັ້ງທໍາອິດ ຈໍານວນ 8 ຮ້ານ, ປັບໃໝເຈົ້າຂອງຮ້ານທີ່ບໍ່ເອົາໃຈໃສ່ໃນການກວດກາສິນຄ້າຂອງຕົນເອງພາຍໃນຮ້ານ ອັນຈະເກີດຜົນເສຍຫາຍ ທາງດ້ານສຸຂະພາບໃຫ້ຜູ້ບໍລິໂພກ ຈໍານວນ 10 ຮ້ານ ໃນມູນຄ່າ 1 ລ້ານກວ່າກີບ. ສຳລັບສິນຄ້າໝົດອາຍຸດັ່ງກ່າວ ແມ່ນໄດ້ນຳເຂົ້າມາເກັບມ້ຽນໃນສາງຂອງພະແແນກ ອຸດສາຫະກຳ ແລະ ການຄ້າແຂວງ ເພື່ອລໍຖ້າການຈັດພິທີທຳລາຍຢ່າງເປັນທາງການ.

ທີ່ມາ: ປະເທດລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...