ຈີນສາມາດນຳເອົານ້ຳມັນທີ່ເຫຼືອຖິ້ມຈາກນ້ຳຊຸບເສສວນ ມາເຮັດເປັນນ້ຳມັນຍເຊື້ອໄຟເຮືອບິນໄດ້ ໂດຍບໍລິສັດ ເສສວນ ຈິນຊາງ ເອນໄວຣອນເມນທໍ ໂພເທັກຊັ່ນ ເຊິ່ງເປັນທຸລະກິດທ້ອງຖິ່ນ ຄົນພົບວິທີແປຮູບຈາກນ້ຳມັນທີ່ເຫຼືອຈາກນ້ຳຊຸບເສສວນ ແລະ ສາມາດສົ່ງອອກເພື່ອນຳໄປປ່ຽນເປັນເຊື້ອໄຟໃຫ້ເຮືອບິນ.
ທ່ານ ເຍ່ ປິ່ນ ຜູ້ຈັດການທົ່ວໄປຂອງບໍລິສັດກ່າວວ່າ: ບໍລິດສັດໄດ້ກໍ່ຕັ້ງໃນປີ 2017 ແລະ ດຳເນີນທຸລະກິດຜະລິດນ້ຳມັນເກດອຸດສາຫະກຳຫຼາຍເຖິງ 150,000 ໂຕນຕໍ່ປີ ຈາກຮ້ານມ່າລ່າ, ຮ້ານເຄເອັບຊີ ແລະ ຮ້ານອາຫານອື່ນໆ ທົ່ວເມືອງເຊິນຕູ ໂດຍໃນຊ່ວງເວລາກາງຄືນທີມງານຂອງບໍລິສັດຈະອອກເດີນທາງໄປຮ້ານອາຫານ ຫຼາຍຮ້ອຍຮ້ານໃນເມືອງ ແລະ ເລີ່ມເຮັດວຽກຫຼັງລູກຄ້າອອກຈາກຮ້ານໄປໝົດແລ້ວ ເຊິ່ງການເຮັດວຽກຂອງພະນັກງານກໍຄື ການເທນ້ຳຊຸບທີ່ເຫຼືອລົງໃສ່ແນວກອງພິເສດ ທີ່ສາມາດແຍກນ້ຳມັນອອກຈາກນ້ຳ, ຈາກນັ້ນຕະກອນດັ່ງກ່າວຈະຖືກສົ່ງໄປໂຮງງານຂອງບໍລິສັດ ກ່ອນທີ່ຈະຖືກຂົນຖ່າຍລົງໃນຖັງຂະນາດໃຫຍ່ ແລະດຳເນີນຂະບວນການກັ່ນຕອງ ເພື່ອຄັດເລືອກນ້ຳ ແລະ ສິ່ງສົກກະປົກທີ່ເຫຼືອຢູ່ ຈົນອອກມາເປັນນ້ຳມັນເກດຮອຸດສາຫະກຳທີ່ໃສ ແລະ ມີສີເຫຼືອງ.
ສຳລັບນ້ຳມັນທີ່ໄດ້ຈາກວິທີຂ້າງຕົ້ນຈະຖືກສົ່ງໄປໃຫ້ກັບລູກຄ້າໃນເອີຮົບ, ສະຫະລັດ ແລະ ສິງກະໂປເປັນຫຼັກ ເຊິ່ງພວກເຂົານຳໄປແປຮູບເພີ່ມເຕີມ ເພື່ອສ້າງສິ່ງທີ່ຄົນໃນວົງການອຸດສາຫະກຳເອີ້ນວ່າ: ນ້ຳມັນເຊື້ອໄຟການບິນແບບຍືນຍົງ ຫຼື ເອັສເອເອັບ.
ທັງນີ້ ຈິນຊາງ ມີແຜນທີ່ຈະຂະຫຍາຍໂຮງງານຜະລິດເອສເອເອັບຂອງຕົນໃນໄວໆນີ້ ໂດຍໃຊ້ອຸປະກອນຈາກບໍລິສັດ ຫັນນິວໍຊ ຂອງສະຫະລັດ ເພື່ອເພີ່ມກຳລັງຜະລິກນ້ຳມັນເປັນ 300,000 ໂຕນຕໍ່ປີ.