ຕາມການລາຍງານເພຈ World Forum ຂ່າວສານຕ່າງປະເທດລາຍາງານວ່າ: ການລະບາດຂອງໂຣກປອດບວມໃນເດັກນ້ອຍຈີນເພີ່ມຂຶ້ນຢ່າງໄວວາ ໂດຍໂຣກດັ່ງກ່າວເລີ່ມລະບາດຕັ້ງແຕ່ວັນທທີ 21-23 ພະຈິກ ເຮັດໃຫ້ໂຮງໝໍຫຼາຍແຫ່ງໃນປັກກິ່ງ, ທຽນຈິນ, ຫຼຽວໜິງ ແລະ ເມືອງອື່ນໆຄົນລົ້ນ ເນື່ອງຈາກເດັນນ້ອຍຈຳນວນຫຼາຍ ຕາມການລາຍງານໄດ້ລະບຸວ່າ: ມີຕົວເລກເພີ່ມຂຶ້ນ 7.000 ຄົນຕໍ່ມື້ເຊິ່ງເກີນຂີດຈຳກັດຂອງໂຮງໝໍເດັກນ້ອຍໃນປັກກິ່ງ ແລະ ໄດ້ທຳລາຍສະຖິຕິໂຮງມໍ່ທີ່ໃຫຍ່ທີ່ສຸດເມື່ອວັນເສົາທີ່ຜ່ານມາໂດຍມີຜູ້ປ່ວຍເຂົ້າຫ້ອງສຸກເສີນຮັບການຮັກສາ 13,000 ຄົນ.
ໃນຄະນະທີ່ທາງການຈີນຖະແຫຼງວ່າ: ພົບຜູ້ປ່ວຍນອກ ແລະ ຜູ້ປ່ວຍທີ່ຮັບເຂົ້າຮັກສາຕົວໃນໂຮງໝໍ ເຊິ່ງເປັນເດັກນ້ອຍດ້ວຍໂຣກປອດອັກເສບຈາກເຊື້ອໄມໂຄຣພາສມ່າ ເນມໂມເນຍ ເພີ່ມຂຶ້ນຕັ້ງແຕ່ເດືອນພຶດສະພາ ໃນຂະນະທີ່ເລີ່ມພົບໄວຣັດໄຂ້ຫວັດໃຫຍ່ ອາດີໂນໄວຣັດ, ໂດຍທາງການຈີນໄດ້ດຳເນີນການເຝົ້າລະວັງ ການກວດຫາໂຣກທາງລະບົບຫາຍໃຈ ຈາກຜູ້ປ່ວຍນອກ ແລະ ຜູ້ປ່ວຍໃນໂຮງໝໍຢ່າງເຂັ້ມງວດ.
ທີ່ມາ: World Forum