spot_img
Homeຂ່າວທົ່ວໄປທຳລາຍສິນຄ້າປະເພດໝໍ້ໄຟທີ່ລະເມີດເຄື່ອງໝາຍການຄ້າຍີ່ຫໍ້ GS

ທຳລາຍສິນຄ້າປະເພດໝໍ້ໄຟທີ່ລະເມີດເຄື່ອງໝາຍການຄ້າຍີ່ຫໍ້ GS

Published on

ໃນວັນທີ 21 ພະຈິກ 2023 ທີ່ພະແນກອຸດສາຫະກໍາ ແລະ ການຄ້ານະຄອນຫຼວງວຽງຈັນ (ນວ) ໄດ້ຈັດພິທີທໍາລາຍສິນຄ້າຍີ່ຫໍ້ GS ປະເພດໝໍ້ໄຟ (Battery) 110 ໜ່ວຍ ມູນຄ່າ 70 ລ້ານກີບ, ໂດຍການເປັນປະທານຂອງທ່ານ ນັນຕາ ສານຸວົງ ຮອງຫົວໜ້າພະແນກອຸດສາຫະກຳ ແລະ ການຄ້າ ນວ ມີຄະນະກຳມະການ ຫົວໜ້າຂະແໜງ ເຈົ້າຂອງສິນຄ້າ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ນັນຕາສານູວົງກ່າວວ່າ: ການທໍາລາຍສິນຄ້າຄັ້ງນີ້ໂດຍປະຕິບັດຕາມກົດໝາຍວ່າດ້ວຍຊັບສິນທາງບງປັນຍາ ກົດໝາຍວ່າດ້ວຍປົກປ້ອງຜູ້ຊົມໃຊ້ ເຊິ່ງພາຍຫຼັງໄດ້ຮັບໜັງສືສະເໜີຈາກບໍລິສັດ ຫຼາວເພັດຮຸ່ງຈະເລີນ ຈຳກັດ ເຊິ່ງເປັນບໍລິສັດທີ່ປຶກສາໃຫ້ບໍລິສັດ GS Yuasa Corporation ທາງຂະແໜງຊັບສິນທາງປັນຍາ ມາດຕະຖານ ແລະ ວັດແທກ ໄດ້ກວດກາເອກະສານຂອງບໍລິສັດດັ່ງກ່າວເຫັນວ່າໄດ້ຮັບໃບຢັ້ງຢືນການຈົດທະບຽນເຄື່ອງໝາຍການຄ້າເລກທີ 3161 ລົງວັນທີ 27 ກໍລະກົດ 1994 ໃນວັນທີ 10ສິງຫາ 2023 ຂະແໜງຊັບສິນທາງປັນຍາ ມາດຕະຖານ ແລະ ວັດແທກ ໄດ້ຈັດກອງປະຊຸມຮ່ວມກັບຄະນະກຳມະການຄຸ້ມຄອງຊັບສິນທາງປັນຍາຂັ້ນ ນວ ເພື່ອປຶກສາຫາລືກ່ຽວກັບການຈັດຕັ້ງປະຕິບັດສະກັດກັ້ນສິນຄ້າລອກຮຽນແບບ ສິນຄ້າປອມແປງ ເຄື່ອງໝາຍການຄ້າ ແລະ ສິນຄ້າ ທີ່ລະເມີດເຄື່ອງໝາຍການຄ້າພ້ອມທັງໄດ້ເຊີນຜູ້ຕາງໜ້າບໍລິສັດ GS Yuasa Corportion ເຈົ້າຂອງສິດເຄື່ອງໝາຍການຄ້າມາອະທິບາຍກ່ຽວກັບຄວາມແຕກຕ່າງລະຫວ່າງສິນຄ້າຂອງແທ້ ແລະ ຂອງລອກຮຽນແບບ.

ພະແນກອຸດສາຫະກໍາ ແລະ ການຄ້ານວໄດ້ອອກແຈ້ງການເຖິງບຸກຄົນ ນິຕິບຸກຄົນ ຫ້າງຮ້ານ ແລະບໍລິສັດຕ່າງໆທີ່ຈຳໜ່າຍຜະລິດຕະພັນສິນຄ້າຍີ່ຫໍ້ດັ່ງກ່າວປະເພດໝໍ້ໄຟ (Battery) ຊາບວ່າ ພະແນກຮ່ວມກັບຄະນະກຳມະການກວດກາຄຸ້ມຄອງຊັບສິນທາງປັນຍາຂັ້ນ ນວ ຈະໄດ້ລົງກວດກາສິນຄ້າປະເພດດັ່ງກ່າວ.

ຜ່ານການລົງຈັດຕັ້ງປະຕິບັດຕົວຈິງເພື່ອກວດກາຢຶດສິນຄ້າປະເພດຜະດຕະພັນໝໍ້ໄຟ Battery ຍີ່ຫໍ້ GS ໄດ້ລົງຈັດຕັ້ງເປັນ 2 ໄລຍະ ລວມມີທັງໝົດ 10 ຮ້ານ ພົບເຫັນສິນຄ້າ 7 ຮ້ານ ລວມສິນຄ້າທີ່ຢຶດໄດ້ທັງໝົດ 110 ໜ່ວຍ ມີມູນຄ່າ 70 ລ້ານກີບ ເຊິ່ງສິນຄ້າທີ່ລະເມີດເຄື່ອງໝາຍການຄ້າເປັນສິນຄ້າປອມແປງລອກຮຽນແບບ ພາຍຫຼງທີ່ຄະນະກຳມະການຂັ້ນ ນວ ກວດພົບເຫັນແມ່ນຕ້ອງໃຊ້ມາດຕະການເດັດຂາດຢຶດແລະ ທຳລາຍຖິ້ມຕາມລະບຽບການ ເພື່ອບໍ່ໃຫ້ສິນຄ້າດັ່ງກ່າວກັບຄືນເຂົ້າສູ່ວົງຈອນການຄ້າໄດ້ອີກທັງນີ້ພື່ອເປັນການປົກປ້ອງສິດຜົນປະໂຫຍດຂອງເຈົ້າຂອງເຄື່ອງໝາຍການຄ້າບັນດາຫົວໜ່ວຍທຸລະກິດທີ່ເຄື່ອນໄຫວຖືກຕ້ອງຕາລະບຽບກົດໝາຍ ຮັບປະກັນໃຫ້ຜູ້ຊົມໃຊ້ໄດ້ໃສິນຄ້າທີ່ມີຄຸນນະພາບໄດ້ມາດຕະຖານ.

ທີ່ມາ: ໜັງສືພິມວຽງຈັນໃໝ່

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...