ອຸໂມງກໍ່ສ້າງໃນອິນເດຍພັງຖະຫລົ່ມເຮັດໃຫ້ຄົນງານ 40 ຄົນຕິດຢູ່ໃນຖືກຊາກຫັກພັງ ທາງໜ່ວຍກູ້ໄພ ເລັ່ງເຮັດທຸກວິຖີທາງ ຊ່ວຍເຫຼືອຄົນງານທີ່ຕິດຢູ່ໃນອຸໂມງ.
ສຳນັກຂ່າວສານຕ່າງປະເທດ ລາຍງານໃນວັນທີ 13 ພະຈິກ 2023 ຜ່ານມາ, ເກີດເຫດອຸໂມງທີ່ກຳລັງກໍ່ສ້າງ ຢູ່ທາງຕອນເໜືອຂອງປະເທດ ອິນເດຍ ເຮັດໃຫ້ຄົນງານປະມານ 40 ຄົນ ທີ່ຢູ່ໃນຊ່ວງພັດປ່ຍນກະເຮັດວຽກ ຖືກຝັ່ງຢູ່ໃຕ້ຊາກຫັກພັງ.
ທາງດ້ານກູ້ໄພເປີດເຜີຍວ່າ: ກຳລັງເລັ່ງເຮັດທຸກວີທີທາງເພື່ອຊ່ວຍເຫຼືອຄົນງານທີ່ຕິດຢູ່ໃນອຸໂມງກໍ່ສ້າງ ແລະ ມີລາຍງານວ່າຄົນງານທັງໝົດປອດໄພ ແລະ ມີການສົ່ງຖົງອົກຊີແຊນສຳຮອງ ຜ່ານທາງຊາກທີ່ຫັກພັງລົງມາໄປໃຫ້ຄົນງານດ້ານໃນແລ້ວ ເຊິ່ງທາງເຈົ້າໜ້າທີ່ຍັງບໍສາມາດກຳນົດໄດ້ວ່າຕ້ອງໃຊ້ເວລາດົນປານໃດໃນການເຄື່ອນຍ້າຍເສດຫິນ ແລະ ເຫຼັກແທ່ງ ຈຳນວນຫຼາຍ.
ສຳລັບອຸໂມງດັ່ງກ່າວ: ມີຄວາມຍາວ 4.5 ກິໂລແມັດ ແລະ ມີຄວາມເລິກ 200 ແມັດ ເຊິ່ງໜຶ່ງໃນໂຄງການປັບປຸງຫົນທາງທີ່ນາຍົກລັດຖະມົນຕີ ອິນເດຍ ກຳລັງເລັ່ງພັດທະນາ.