ພາຍຸໄຕ້ຝຸນຮາກູປິດ ຖະຫລົ່ມຟິລິບປິນໜັກ ສ້າງຄວາມເສຍຫາຍມະຫາສານ ທາງການອົບພະຍົບປະຊາຊົນລ້ານກ່ວາ
ຄົນ ພົບຜູ້ເສຍຊີວິດແລ້ວ 3 ລາຍ.
ສຳນັກຂ່າວຕ່າງປະເທດລາຍງານ ໃນວັນທີ 8 ທັນວານີ້ວ່າ ອິດທິພົນຂອງໄຕ້ຝຸ່ນຮາກູປິດ ເຊິ່ງເຄື່ອນຕົວຂຶ້ນຝັ່ງທີ່ເມືອງໂດ
ໂລເຣສ ເທິງເກາະຊາມາ ທາງພາກຕາເວັນອອກຂອງປະເທດຟິລິບປິນ ເມື່ອຕອນຄ່ຳຂອງວັນເສົາທີ 6 ທັນວາຜ່ານມາ ເຮັດ
ໃຫ້ເກີດຝົນຕົກໜັກທົ່ວພື້ນທີ່ ສ້າງຄວາມເສຍຫາຍແກ່ເຮືອນຊານຈຳນວນກວ້າງຂວາງ, ໄຕ້ຝຸ່ນຮາກູປິດ ມີຄວາມໄວລົມ
ສູງເຖິງ 210 ກິໂລແມັດຕໍ່ຊົ່ວໂມງ ເຊິ່ງກາຍເປັນພາຍຸທີ່ຮຸນແຮງທີ່ສຸດທີ່ຂຶ້ນຝັ່ງຟິລິບປິນໃນປີນີ້.
ດ້ານສະພາກາແດງຂອງຟິລິບປິນໄດ້ເປີດເຜີຍວ່າ ມີຜູ້ອົບພະຍົບແລ້ວກ່ວາ 1.2 ລ້ານຄົນ ໄປອາໄສຢູ່ຕາມໂຮງຮຽນ, ສະຖານ
ທີ່ລັດຖະການ, ສະໜາມກິລາ ແລະ ໂບດກ່ວາ 1,500 ແຫ່ງ ທີ່ທາງການໄດ້ຈັດໄວ້ເປັນສູນຫລົບໄພຊົ່ວຄາວທົ່ວທັງພາກກາງ
ຂອງປະເທດ ແລະ ທາງເຈົ້າໜ້າທີ່ຍັງໄດ້ຢືນຢັນວ່າ ໄດ້ພົບຜູ້ເສຍຊີວິດຈາກພາຍຸລູກນີ້ແລ້ວ 3 ລາຍ.
ທັງນີ້, ຄາດວ່າໃນຕອນເຊົ້າຂອງວັນຈັນທີ 8 ທັນວານີ້ ໄຕ້ຝຸ່ນຮາກູປິດຈະຂຶ້ນຝັ່ງເປັນຄັ້ງທີ 3 ທີ່ເກາະຊິບູຍານ ກ່ອນທີ່ຈະພັດ
ຜ່ານພື້ນທີ່ໃກ້ເມືອງຫລວງນະຄອນມະນິລາ ໃນຄວາມໄວ 120 ກິໂລແມັດຕໍ່ຊົ່ວໂມງ ແລະ ຈະເຄື່ອນອອກສູ່ທະເລຈີນໃຕ້ ໃນ
ວັນອັງຄານທີ 9 ທັນວາຈະມາເຖິງນີ້.
