ສຳນັກຂ່າວຕ່າງປະເທດລາຍງານວ່າ ອີງຕາມບົດລາຍງານທີ່ສະມາຄົມສະບຽງອາຫານຫວຽດນາມ ຍື່ນໃຫ້ກະຊວງອຸດສາ

ຫະກຳ ແລະ ການຄ້າຫວຽດນາມ, ມາຮອດປະຈຸບັນ ຍອດບໍລິມາດເຂົ້າຈ້າວທີ່ບັນດາວິສາຫະກິດ ໄດ້ເຊັນໃນສັນຍາການຄ້າ

ຂາອອກນັ້ນ ແມ່ນບັນລຸເຖິງ 6.909.000 ໂຕນ, ເມື່ອທຽບໃສ່ປີ 2013 ແລ້ວ ແມ່ນໄດ້ເພີ່ມຂຶ້ນ 1,54%. ໃນນັ້ນ, ຈຳນວນ

ເຂົ້າຈ້າວທີ່ໄດ້ສົ່ງອອກແລ້ວ ບັນລຸເຖິງ 5.490.000 ໂຕນ ໂດຍມີຍອດມູນຄ່າການຄ້າຂາອອກ ບັນລຸເຖິງ 2 ຕື້ 390 ລ້ານ

ໂດລາ.

ຈີນຍັງເປັນຕະຫຼາດຂາອອກທີ່ໃຫຍ່ທີ່ສຸດຂອງເຂົ້າຈ້າວຫວຽດນາມ ເຊຶ່ງຫວຽດນາມມີເຂົ້າຈ້າວຂາອອກ 1.830.000 ໂຕນ

ໄປສູ່ ສປ ຈີນ ເຊິ່ງໄດ້ກວມເອົາ 33,7% ຂອງຍອດຜະລິດຕະພັນຈຳນວນເຂົ້າຈ້າວສົ່ງອອກຂອງຫວຽດນາມ; ຖັດຈາກນັ້ນ

ແມ່ນປະເທດຟີລິບປິນ ເປັນອັນດັບທີ 2 ມີ 1.270.000  ໂຕນ, ມາເລເຊຍ 384.000 ໂຕນ ແລະ ອິນໂດເນເຊຍ 147.000

ໂຕນຕາມລຳດັບ.