spot_img
Homeຂ່າວຢາເສບຕິດເຈົ້າໜ້າທີ່ຕຳຫຼວດ ແຂວງຈຳປາສັກ ທຳລາຍໃບກະທ້ອມເກືອບ 50 ກິໂລກຣາມ

ເຈົ້າໜ້າທີ່ຕຳຫຼວດ ແຂວງຈຳປາສັກ ທຳລາຍໃບກະທ້ອມເກືອບ 50 ກິໂລກຣາມ

Published on

ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປ້ອງກັນຄວາມສະຫງົບແຂວງຈຳປາສັກ ຈູດທຳລາຍໃບກະທ້ອມ ໃນວັນທີ 7 ພະຈິກ 2023 ນີ້ ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດໄດ້ຈັດພິທີຈູດທຳລາຍໃບກະທ້ອມ ຢູ່ທີ່ຫ້ອງການພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ໂດຍການເຂົ້າຮ່ວມ ພັທ ອາລຸນ ບົວລະພາພັນ ຮອງຫ້ອງຕຳຫຼວດປ້ອງກັນຄວາມສະຫງົບ ແຂວງຈຳປາສັກ ຜູ້ຊີ້ນຳ ວຽກງານສະກັດກັ້ນ ແລະ ຕ້ານຢາເສບຕິດ ມີອົງການໄອຍະການປະຊາຊົນ ແຂວງຈຳປາສັກ ແລະ ເຈົ້າໜ້າທີ່ວິຊາສະເພາະກໍໄດ້ເຂົ້າຮ່ວມ.

ການຈູດທຳລາຍໃບກະທ້ອມໃນຄັ້ງນີ້ລວມມີ ໃບກະທ້ອມທັງໝົດ 9 ແກັດເທົ່າກັບ 46 ກິໂລກຣາມ ພາຍຫຼັງທີ່ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ໄດ້ຮັບຄະດີຈາກເຈົ້າໜ້າທີ່ປະຈຳດ່ານສາກົນວັງເຕົ່າ ແຂວງຈຳປາສັກ ຍຶດໄດ້ຈາກ ທ້າວ ເພັງພະຈັນ ອາຍຸ 28 ປີ ອາຊີບຄ້າຂາຍ ອາໄສຢູ່ບ້ານແກ ນະຄອນປາກເຊ ໃນຄັ້ງວັນທີ 20 ຕຸລາ 2023 ຜ່ານມາ ຈຸດປະສົງກໍເພື່ອເປັນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ຕາມແຈ້ງການສະບັບເລກທີ 13|ປກສ ລົງວັນທີ 14 ກັນຍາ 2022 ວ່າດ້ວຍການເພີ່ມທະວີ ການຄວບຄຸມ ແລະ ສະກັດກັ້ນການປູກ, ຜະລິດ, ປຸງແຕ່ງ, ຊົມໃຊ້, ຄ້າຂາຍ ຈຳໜ່າຍ, ຂົນສົ່ງ,j ມີໄວ້ໃນຄອບຄອງ ນຳເຂົ້າສົ່ງອອກພຶດທີ່ມີສານເສບຕິດ ຫຼື ພະລິດຕະພັນທີ່ມີສ່ວນປະສົມກັບສານເຄມີ ຕົ້ນ ຫຼື ສານເສບຕິດທີ່ຜິດກົດໝາຍ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...