spot_img
Homeຂ່າວພາຍ​ໃນກຽມສ້າງຂົວຄົນຍ່າງຂ້າມທາງອີກ 3 ແຫ່ງ ຄາດວ່າສຳເລັດໃນປີ 2025

ກຽມສ້າງຂົວຄົນຍ່າງຂ້າມທາງອີກ 3 ແຫ່ງ ຄາດວ່າສຳເລັດໃນປີ 2025

Published on

ບໍລິສັດ ບລູກຣາດສ໌ ດີຊາຍກຣຸບ ຈຳກັດຜູ້ດຽວ ຮ່ວມກັບ ບໍລິສັດກູຣູ ກຽມແຜນຈະສ້າງຂົວຄົນຍ່າງຂ້າມທາງອີກ 3 ແຫ່ງ ຄື: ຈຸດເຂດໜ້າມະຫາວິທະຍາໄລແຫ່ງຊາດ (ດົງໂດກ) ໃກ້ສີ່ແຍກໄຟອຳນາດ, ຈຸດເຂດຕະຫຼາດເຊົ້າ ຫາ ຕະຫຼາດຂົວດິນຄິວລົດເມ ແລະ ຈຸດຕໍ່ໜ້າ ພະແນກການເງິນ ນະຄອນຫຼວງວຽງຈັນ ໂດຍຈະເລີ່ມການກໍ່ສ້າງພາຍໃນປີນີ້ ຄາດວ່າຈະໃຫ້ສຳເລັດໃນປີ 2025 ມູນຄ່າການກໍ່ສ້າງປະມານ 1 ລ້ານ 5 ແສນໂດລາສະຫະລັດ.

ທ່ານ ກິຣິຍາ ບັນຈົງພັກດີ ຮອງປະທານບໍລິສັດບລູກາດດີຊາຍກລຸບ ຈໍາກັດ ຜູ້ດຽວ ໃຫ້ສຳພາດວ່າ: ເພື່ອປະກອບສ່ວນໃນການພັດທະນາພື້ນຖານໂຄງລ່າງ ແລະ ເຫັນໄດ້ຄວາມສຳຄັນໃນວຽກງານຄວາມ ປອດໄພຂອງປະຊາຊົນ. ປັດຈຸບັນ, ບໍລິສັດບລູກຣາດສ໌ ດີຊາຍກຣຸບ ຈຳກັດຜຸ້ດຽວ ໄດ້ມີການປຶກສາຫາລືກັບຜູ້ຮ່ວມພັດທະນາເພື່ອເລີ່ມການກໍ່ສ້າງຂົວຄົນຍ່າງຂ້າມທາງວ່າ ຈະເລີ່ມການກໍ່ສ້າງຢູ່ຈຸດໃດກ່ອນ, ຈຸດປະສົງການກໍ່ສ້າງຂົວຄົນຍ່າງຂ້າມທາງແຕ່ລະແຫ່ງແມ່ນເພື່ອອຳນວຍຄວາມສະດວກໃຫ້ແກ່ປະຊາຊົນກໍຄື: ນັກຮຽນ, ນັກສຶກສາ ໃນການຮັບປະກັນຄວາມປອດໄພຫຼຸດຜ່ອນອຸບັດເຫດ ແລະ ບໍ່ໃຫ້ການສັນຈອນມີຄວາມແອອັດຕາມທ້ອງຖະໜົນໃນໄລຍະເວລາຊົ່ວໂມງຮີບດ່ວນກໍຄືໃນໂມງລັດຖະການ.

ທ່ານ ກິຣິຍາ ບັນຈົງພັກດີ ໃຫ້ສຳພາດຕື່ມວ່າ: ກ່ອນຈະມີແຜນເລີ່ມກໍ່ສ້າງຂົວຄົນຍ່າງຂ້າມທາງອີກ 3 ແຫ່ງ ແມ່ນທາງບໍລິສັດໄດ້ສຳເລັດການກໍ່ສ້າງຂົວຄົນຍ່າງຂ້າມທາງແຫ່ງທຳອິດແລ້ວໃນວັນທີ 20 ຕຸລານີ້ ຢູ່ເຂດໜ້າໂຮງຮຽນມັດທະຍົມສຶກສາສົມບູນລາວ-ຫວຽດນາມ ຫຼັກ 5 ຖະໜົນໄກສອນພົມວິຫານ ມູນຄ່າການກໍ່ສ້າງ 9 ຕື້ກວ່າກີບ (ມູນຄ່າລວມຈໍ LED) ໂດຍແມ່ນທຶນຊ່ວຍເຫຼືອລ້າຂອງບໍລິສັດ ບລູກຣາດສ໌ ດີຊາຍກຣຸບ ຈຳກັດຜູດຽວ ແລະ ບໍລິສັດ ກູຣູ.

ຂໍ້ມູນ:Lao National Radio

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...