spot_img
Homeຂ່າວພາຍ​ໃນພິທີທຳລາຍຢາສູບ ແລະ ເຄື່ອງສຳອາງປະເພດໂລຊັນຈໍານວນທັງໝົດ 107 ແກັດ

ພິທີທຳລາຍຢາສູບ ແລະ ເຄື່ອງສຳອາງປະເພດໂລຊັນຈໍານວນທັງໝົດ 107 ແກັດ

Published on

ໃນຕອນບ່າຍຂອງວັນທີ 18 ຕຸລາ 2023 ນີ້, ທີ່ສະໜາມຂີ້ເຫຍື່ອຫຼັກ 32 ບ້ານຜາສຸກ ເມືອງໄຊທານີ, ນະຄອນຫຼວງວຽງຈັນ, ເຈົ້າໜ້າທີ່ພາສີພະແນກສືບສວນສອບສວນ ແລະ ປາບປາມການລັກລອບໜີພາສີ (ພສປ) ກົມພາສີ ກະຊວງການເງິນ, ໄດ້ຈັດພິທີທຳລາຍຢາສູບ ແລະ ເຄື່ອງສຳອາງປະເພດໂລຊັນຈໍານວນທັງໝົດ 107 ແກັດທີ່ລັກລອບນຳເຂົ້າບໍ່ຖືກຕ້ອງມາທຳລາຍຕາມລະບຽບການກົດໝາຍ, ໂດຍການເຂົ້າຮ່ວມຂອງທ່ານ ພູເຂົາຄຳ ວັນນະວົງໄຊ ຫົວໜ້າກົມພາສີ ກະຊວງການເງິນ, ມີຕາງໜ້າຈາກຫ້ອງການກະຊວງ, ກົມກວດກາ ກະຊວງການເງິນ, ກົມອາຫານ ແລະ ຢາ ກະຊວງສາທາລະນະສຸກ, ກົມການຄ້າພາຍໃນ, ກົມກວດກາ ກະຊວງອຸດສາຫະກຳ ແລະ ການຄ້າ, ກົມຕຳຫຼວດເສດຖະກິດ, ກົມຕຳຫຼວດສິ່ງແວດລ້ອມ, ຕາງໜ້າບໍລິສັດຢາສູບລາວ, ບັນດາຫົວໜ້າພະແນກອ້ອມຂ້າງກົມພາສີ, ພາສີ ປະຈຳນະຄອນຫຼວງວຽງຈັນ, ເຈົ້າໜ້າທີ່ ພາສີ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.

ສຳລັບສິນຄ້າທີ່ທຳລາຍຄັ້ງນີ້ປະກອບ: ມີຢາສູບຍີ່ຫໍ້: PING CHANGE ຈຳນວນ 87 ແກັດ, ເຄື່ອງສໍາອາງປະເພດໂລຊັນຍີ່ຫໍ້: BRIGTY BODY ຈຳນວນ 20 ແກັດ, ໂດຍໄດ້ຜ່ານການດຳເນີນຄະດີ (ອີງຕາມບົດບັນທຶກການຢຶດສິນຄ້າ, ເຄື່ອງຂອງປະເພດຢາສູບ ສະບັບເລກທີ 036, ລົງວັນທີ 05 ກັນຍາ 2021 ແລະ ບົດບັນທຶກການຢຶດສິນຄ້າ, ເຄື່ອງຂອງປະເພດເຄື່ອງສຳອາງ ສະບັບເລກທີ 018, ລົງວັນທີ 10 ມິຖຸນາ 2022 ໂດຍຜ່ານຂັ້ນຕອນຕາມກົດໝາຍວ່າດ້ວຍພາສີ ແລະ ອີງຕາມຂໍ້ຕົກລົງຂອງລັດຖະມົນຕີກະຊວງການເງິນ ສະບັບເລກທີ 2288/ກງ, ລົງວັນທີ 28 ກໍລະກົດ 2023 ວ່າດ້ວຍການອະນຸມັດສິນຄ້າ, ເຄື່ອງຂອງປະເພດຢາສູບ ແລະ ເຄື່ອງສຳອາງທີ່ນໍາເຂົ້າບໍ່ຖືກຕ້ອງ, ເຈົ້າຂອງສະຫຼະສິດ ແລະ ບໍ່ໄດ້ຮັບອະນຸຍາດຈາກຂະແໜງການກ່ຽວຂ້ອງເຊິ່ງຮີບມາເປັນຂອງລັດ ແລະ ທຳລາຍຕາມລະບຽບກົດໝາຍ.

ໃນພິທີທ່ານ ພູເຂົາຄຳ ວັນນະວົງໄຊ ຫົວໜ້າກົມພາສີ ກະຊວງການເງິນ ໄດ້ສະແດງຄວາມຊົມເຊີຍຕໍ່ຜົນງານຂອງເຈົ້າໜ້າທີ່ພາສີ ໂດຍສະເພາະພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ທີ່ໄດ້ມີການປະສານສົມທົບກັບພາກສ່ວນກ່ຽວຂ້ອງໃນການຕ້ານສະກັດກັ້ນ ແລະ ປາບປາມການລັກລອບໜີພາສີທຸກຮູບແບບເຮັດໃຫ້ສາມາດຢຶດ ແລະ ດຳເນີນຄະດີຕໍ່ສິນຄ້າ,ເຄື່ອງຂອງປະກອບມີຢາສູບ ແລະ ເຄື່ອງສໍາອາງປະເພດໂລຊັນມາດຳເນີນຄະດີຕາມກົດໝາຍ ແລະ ລະບຽບການ.

ນອກຈາກນີ້, ກົມພາສີ ກະຊວງການເງິນ ໄດ້ຍັງໄດ້ເໜັ້ນໜັກ, ລົງເລິກໃນການນຳພາ-ຊີ້ນຳຕໍ່ວຽກງານສືບ ສວນ-ສອບສວນ ແລະ ປາບປາມການລັກລອບໜີພາສີໃນຂອບເຂດທົ່ວປະເທດ,ຢ່າງໃກ້ຊິດຕິດແທດເຮັດໃຫ້ ສາມາດເຄື່ອນໄຫວວຽກງານວິຊາສະເພາະໄດ້ຕາມໜ້າທີ່, ຂອບເຂດສິດ, ທີ່ໄດ້ຮັບມອບໝາຍຢ່າງມີປະສິດທິຜົນສູງເວົ້າລວມເວົ້າສະເພາະການຫັນເອົາວຽກງານດັ່ງກ່າວມາລວມສູນຕາມສາຍຕັ້ງດ້ານວຽກວິຊາສະເພາະເຮັດໃຫ້ສາມາດສ້າງຂະຫຍາຍຕາງໜ່າງຂ່າວ, ກວດກາ, ຈັບກຸມ ແລະ ດຳເນີນຄະດີບັງຄັບໃຊ້ກົດໝາຍໄດ້ຢ່າງເຂັ້ມງວດໃນຂອບເຂດທົ່ວປະເທດສອດຄ່ອງກັບສະພາບການຂະຫຍາຍຕົວຂອງເສດຖະກິດ-ສັງຄົມ ແລະ ເງື່ອນໄຂຕົວຈິງໃນປັດຈຸບັນທີ່ລັດ ຖະບານເຄັ່ງຮ້ອນໃຫ້ມີການອັດຊ່ອງຫວ່າງການຮົ່ວໄຫຼຂອງລາຍຮັບ.

 

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...