ໄທພົບເຈົ້າອາວາດວັດກັກຂັງອາຈົວໄວ້ມີເພດສຳພັນ ພົບມີອາຈົວ 9 ອົງ ໃນນັ້ນ ເປັນຄູບາທີ່ມາຈາກ ສປປ ລາວ 4 ອົງ.
ໃນວັນທີ 10 ຕຸລາ 2023 ທີ່ຈັງຫວັດຊຽງໃໝ່ ປະເທດໄທ ໄດ້ມີປະຊາຊົນໄດ້ເອົາຄລິບຫຼັກຖານມາແຈ້ງຕໍ່ຕຳຫຼວດ ໂດຍໃນຄລິບສະແດງໃຫ້ເຫັນເຖິງ ເຈົ້າອາວາດວັດແຫ່ງໜຶ່ງ ໃນອຳເພີແມ່ລິມ ຈັງຫວັດຊຽງໃໝ່ ປະເທດໄທ ແລະ ພາບອາຈົວທີ່ບວດຢູ່ວັດແຫ່ງນີ້ ມີອາຍຸພຽງ 8 ປີ ຖືກຕີເປັນບາດເຕັມຫຼັງ.
ນອກຈາກນີ້ ທາງອາຈົວໄດ້ແຈ້ງວ່າ ຖືກລ່ວງລະເມີດທາງເພດ ຄົນລະບໍ່ຕ່ຳກວ່າ 7-8 ຄັ້ງ ຕິດຕໍ່ກັນມາໄດ້ 2 ເດືອນແລ້ວ ແຖມຍັງຖືກກັກຂັງໄວ້ໃນວັດ ແລະ ຕ້ອງການເອົາອາຈົວກັບບ້ານນຳ.
ເມື່ອເຈົ້າໜ້າທີ່ໄດ້ໄປກວດສອບຢູ່ວັດ ທາງເຈົ້າອາວາດກໍບໍ່ຍອມໃຫ້ເຈົ້າໜ້າທີ່ກວດຄົ້ນ ໂດຍບອກວ່າຕ້ອງມີໝາຍສານມາກ່ອນ ແລະ ເຈົ້າໜ້າທີ່ຍັງພົບວ່າທີ່ວັດແຫ່ງນີ້ ມີອາຈົວ 9 ອົງ ອາຍຸລະຫວ່າງ 7-17 ປີ ມີຄູບາ 4 ອົງ ລ້ວນແຕ່ມາຈາກ ສປປ ລາວ.
ໃນຂະນະນັ້ນ ທາງເຈົ້າໜ້າທີ່ກໍບໍ່ຟັງເຈົ້າອາວາດ ແລ້ວໄດ້ບຸກເຂົ້າໄປໃນກຸດຕິ ກໍພົບຢາປຸກເຊັກ, ຖົງຢາງອະນາໄມ, ອະໄວຍະວະເພດຍິງປອມ ແລະ ເບຍກະປ໋ອງໃນຕູ້ເຢັນຫຼາຍກະປ໋ອງ.
ເບື້ອງຕົ້ນ ທາງເຈົ້າໜ້າທີ່ໄດ້ນຳຕົວເຈົ້າອາວາດວັດໄປສືບສວນສອບສວນ ແລະ ສົ່ງມອບອາຈົວທີ່ຖືກລ່ວງລະເມີດທາງເພດໄປກວດສອບຢູ່ໂຮງໝໍ ເພື່ອຈະດຳເນີນຄະດີຕໍ່ໄປ.
ແຫຼ່ງຂ່າວ ຂ່າວສົດ