spot_img
Homeຂ່າວພາຍ​ໃນແຈ້ງການກ່ຽວກັບລາຍເຄື່ອນບຸນອອກພັນສາປະວໍລະນາ ນະມັດສະການພະທາດຈອມສີ ແລະ ບຸນໄຫຼເຮືອໄຟ ທີ່ນະຄອນຫຼວງພະບາງ

ແຈ້ງການກ່ຽວກັບລາຍເຄື່ອນບຸນອອກພັນສາປະວໍລະນາ ນະມັດສະການພະທາດຈອມສີ ແລະ ບຸນໄຫຼເຮືອໄຟ ທີ່ນະຄອນຫຼວງພະບາງ

Published on

ເຈົ້ານະຄອນຫຼວງພະບາງ ອອກແຈ້ງການກ່ຽວກັບລາຍເຄື່ອນບຸນອອກພັນສາປະວໍລະນາ ນະມັດສະການພະທາດຈອມສີ ແລະ ບຸນໄຫຼເຮືອໄຟ ໃນລະຫວ່າງວັນທີ 28 – 30 ຕຸລາ 2023 ທີ່ນະຄອນຫຼວງພະບາງ ມໍລະດົກໂລກ

1. ມື້ ອອກໃຫມ່ 14 ຄໍ່າ ເດືອນ 11 ພສ 2566 ກົງກັບ ວັນເສົາ ທີ 28 ຕຸລາ(10) 2023. ມື້ຫ້າງຫາກະກຽມບຸນມະຫາຊາດ ນະມັດສະການພະທາດຈອມສີ.
-ເວລາ 8:00 າງຫາກະກຽມປະດັບປະດາຕົບແຕ່ງສະຖານທີ່ ພະທາດຈອມສີ.
-ເວລາ 13:00 ເຕົ້າໂຮມ ພຣະສົງ, ສາມະເນນ, ປະຊາຊົນບັນດາເຜົ່າ ທໍາພິທີທາງສາສະຫນາ.
-ເວລາ 14:00 ສູດປະລິຕະມຸງຄຸນ ພະທາດຈອມສີ, ເທດສະຫຼອງອຸປະຄຸດ, ເທດສັງກາດຫຼວງ, ສູດໂພ ແລະ ອິຕິໂສ.
-ເວລາ 18:30 ທ່ຽວຊົມຄວາມງົດງາມໄຟແສງສີ ການໄຕ້ປະທີບ(ໂຄມໄຟ) ຕາມວັດແຫ່ງຕ່າງໆ.
2. ມື້ ອອກໃຫມ່ 15 ຄໍ່າ ເດືອນ 11 ເພັງ ພສ 2566 ກົງກັບ ວັນອາທິດ ທີ 29 ຕຸລາ(10) 2023.
ມື້ບຸນມະຫາຊາດ ນະມັດສະການ ພະທາດຈອມສີ.
-ເວລາ 6:00 ປະຊາຊົນບັນດາເຜົ່າ ໃສ່ບາດ ຕາມວັດແຫ່ງຕ່າງໆ ທີ່ມີເງື່ອນໄຂ.
-ເວລາ 9:00 ທໍາພິທີທາງສາສະຫນາທີ່ພະທາດຈອມສີ: ສຸດ, ສັກອານິຈາ, ຖະຫວາຍສັງຄະທານ-ສັງຄະແທນ, ແຈກເພນ ແລະ ເທດມະຫາຊາດກ້ອມຕະຫຼອດວັນ.
-ເວລາ 18:30 ທ່ຽວຊົມຄວາມງົດງາມໄຟແສງສີ ການໄຕ້ປະທີບ(ໂຄມໄຟ) ຕາມວັດແຫ່ງຕ່າງໆ.

3. ມື້ ແຮມ 1 ຄໍ່າ ເດືອນ 11 ພສ 2566 ກົງກັນ ວັນຈັນ ທີ່ 30 ຕຸລາ(10) 2023.
ມື້ບຸນໄຫຼເຮືອໄຟ.
-ເວລາ 18:00 ເຕົ້າໂຮມເຮືອໄຟຂອງແຕ່ລະພາກສ່ວນທີ່ເຂົ້າຮ່ວມປະກວດ ຢູ່ຫນ້າຫໍພິພິດທະພັນ(ຕິນພູສີ). ເວລາ 18:30 ການນໍາຂັ້ນແຂວງ, ນະຄອນ ແລະ ແຂກຖືກເຊີນ ມາເຖິງສະຖານທີ່ເປີດງານ.
-ເວລາ 18:30 ເລີ້ມພິທິທາງສາສະຫນາ ເທດສະຫຼອງເຮືອໄຟຢູ່ “ວັດປ່າຮວກ” ຈໍານວນ 1 ກັນ.
-ເວລາ 19:00 ເປີດພິທີບຸນໄຫຼເຮືອໄຟຢ່າງເປັນທາງງການ ຕາມຮີດຄອງປະເພນີ, ຫຼັງຈາກນັ້ນຊົມຄວາມສວຍງາມຂອງ ຂະບວນເຮືອໄຟແຕ່ລະພາກສ່ວນແຫ່ໄປຕາມເສັ້ນທາງສີສະຫວ່າງວົງຈົນເຖິງທ່ານໍ້າຂອງວັດຊຽງທອງ ແລະ
ເຄື່ອນເຮືອໄຟລົງນໍ້າຕາມລໍາດັບ
– ເວລາ 20:30 ການນໍາພັກ-ລັດ ເຂົ້າຮ່ວມລອຍປະທັບຢູ່ ທ່ານໍ້າຂອງ ບ້ານວັດຫນອງ.
ນັກທ່ອງທ່ຽວທັງພາຍໃນ ແລະ ຕ່າງປະເທດ ທ່ຽວຊົມຄວາມງົດງາມໄຟແສງສີ ການໄຕ້ປະທີບ(ໂຄມໄຟ) ຕາມວັດ ແຫ່ງ ຕ່າງໆ ພາຍໃນນະຄອນຫຼວງພະບາງ.

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...