spot_img
Homeຂ່າວພາຍ​ໃນເຜີຍແຜ່ກົດໝາຍ ລະບຽບປ້ອງກັນຄວາມສະຫງົບປອດໄພທາງລົດໄຟ

ເຜີຍແຜ່ກົດໝາຍ ລະບຽບປ້ອງກັນຄວາມສະຫງົບປອດໄພທາງລົດໄຟ

Published on

ທີ່ຜ່ານມາ ພາຍຫຼັງທີ່ເສັ້ນທາງລົດໄຟລາວ-ຈີນໄດ້ສຳເລັດແລ້ວ ກໍໄດ້ມີນັກທ່ອງທ່ຽວເດີນທາງດ້ວຍລົດໄຟຈຳນວນຫຼາຍ ແລະ ຍັງມີກຸ່ມຄົນບໍ່ຫວັງດີ ໄດ້ມາສ້າງຄວາມສະຫງົບ ແລະ ຄວາມເສຍຫາຍຕໍ່ເສັ້ນທາງລົດໄຟຈຳນວນບໍ່ໜ້ອຍ.

ເມື່ອບໍ່ດົນມານີ້, ໂດຍພະແນກຕຳຫຼວດທາງລົດໄຟ ປກສ ແຂວງຫຼວງນໍ້າທາ ລົງໂຄສະນາເຜີຍແຜ່ກົດໝາຍ ແລະ ລະບຽບປ້ອງກັນຄວາມສະຫງົບ ປອດໄພທາງລົດໄຟ ຢູ່ບ້ານຫ້ວຍຫ້ອມ ເມືອງຫຼວງນໍ້າທາ ໂດຍການນໍາພາຂອງ ທ່ານ ພັນຕີ ນາງ ບົວວັນ ວິຈິດຫຼວງຄຳ ຮອງຫົວໜ້າພະແນກຕຳຫຼວດທາງລົດໄຟ ປກສ ແຂວງ.

ໂອກາດນີ້, ທ່ານ ຮ້ອຍໂທ ສິງທັດ ຕ໋ອງຫວັນຄຸດ ຮອງຫົວໜ້າໜ່ວຍງານ ພະແນກຕຳຫຼວດທາງລົດໄຟ ປກສ ແຂວງ ໄດ້ຍົກໃຫ້ເຫັນຄວາມສຳຄັນຂອງລົດໄຟ ລາວ-ຈີນ ເຊິ່ງລັດຖະບານແຫ່ງ ສປປ ລາວ ມີເປົ້າໝາຍຍຸດທະສາດໃນການພັດທະນາເສັ້ນທາງລົດໄຟ ໃຫ້ກາຍເປັນແລວທາງເສດຖະກິດທີ່ມີລາຍຮັບຢ່າງຫຼວງຫຼາຍໃຫ້ແກ່ປະເທດຊາດ, ຍົກສູງປະສິດທິພາບ ຂອງວຽກງານຄົມມະນາຄົມຂົນສົ່ງ, ສ້າງໂອກາດໃຫ້ມີວຽກເຮັດງານທຳ, ຍົກສູງຄຸນນະພາບຊີວິດການເປັນຢູ່ ໃຫ້ແກ່ປະຊາຊົນລາວ ແລະ ເປັນການເຊື່ອມຕໍ່ເສັ້ນທາງຄົມມະນາຄົມ ຈາກ ສປປ ລາວ ສູ່ບັນດາອາຊຽນ.

ພ້ອມນີ້, ກໍໄດ້ເຜີຍແຜ່ບັນດາຂໍ້ຫ້າມທົ່ວໄປ ແລະ ອະທິບາຍກ່ຽວກັບລະບຽບສຳລັບຜູ້ໂດຍ ສານ ທີ່ຈະກະກຽມໃນການເດີນທາງ ແລະ ເງື່ອນໄຂຕ່າງໆໃນການຂຶ້ນລົດໄຟ ເພື່ອເຮັດໃຫ້ບຸກຄົນ ຫລື ກຸ່ມຄົນ ທີ່ຈະເດີນທາງດ້ວຍລົດໄຟໄດ້ຖືກຕ້ອງ, ສອດຄ່ອງກັບກົດໝາຍ ແລະ ລະບຽບປ້ອງກັນຄວາມສະຫງົບ, ປອດໄພທາງລົດໄຟ, ຍົກໃຫ້ເຫັນເຖິງການກະທຳຜິດ ທີ່ເເຕະຕ້ອງເຖິງຄວາມບໍ່ສະຫງົບ ແລະ ເປັນການກົດໜ່ວງທ່ວງດຶງ ການພັດທະນາເສດຖະກິດ-ສັງຄົມ ຂອງຊາດ ແລະ ສ້າງຄວາມເສຍຫາຍຕໍ່ອັນລວມ. ໃນ 1 ປີຜ່ານມາ ມີສະພາບປະກົດການຫຍໍ້ທໍ້ເກີດຂຶ້ນທັງໝົດ 117 ເລື່ອງ (ສະເພາະ ແຂວງຫລວງນ້ຳທາ ມີ 13 ເລື່ອງ), ກັກຕົວຜູ້ກະທຳຜິດໄດ້ 59 ຄົນ, ຍິງ 12 ຄົນ ເປັນຕົ້ນ ແມ່ນຄະດີລັກຊັບ ປະເພດວັດຖຸ-ອຸປະກອນທາງລົດໄຟ 75 ເລື່ອງ.

ນອກນີ້ ກໍໄດ້ເນັ້ນໃຫ້ປະຊາຊົນ ໄປເຜີຍແຜ່ໃຫ້ຄອບຄົວ ໃຫ້ເຂົາເຈົ້າຮັບຮູ້, ເຂົ້າໃຈເພີ່ມເຕີມ ແລະ ພ້ອມກັນປະກອບສ່ວນ ສະກັດກັ້ນ ແລະ ແກ້ໄຂບັນຫາປະກົດການຫຍໍ້ທໍ້ໃນສັງຄົມ ໃຫ້ຫຼຸດໜ້ອຍຖອຍລົງ.

ບົດຄວາມຫຼ້າສຸດ

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...

ລາວກຽມພ້ອມພັດທະນາ ແບບຈຳລອງປັນຍາປະດິດ ເພື່ອໃຫ້ AI ປະມວນຜົນພາສາລາວໄດ້ຢ່າງຖືກຕ້ອງ

ເພື່ອພັດທະນາກໍ່ສ້າງແບບຈໍາລອງປັນຍາປະດິດຂະໜາດໃຫຍ່ ສໍາລັບ ສປປ ລາວ ແລະ ກໍ່ສ້າງຖານຂໍ້ມູນພາສາລາວໃຫ້ຄົບຖ້ວນ, ຖືກຕ້ອງ, ຊັດເຈນ ແລະ ສາມາດນໍາໃຊ້ເປັນພື້ນຖານສໍາລັບ AI ແລະ ການນໍາໃຊ້ດີຈີຕອນໃນ ສປປ...

ສຶກສາອົບຮົມສາວບໍລິການ ແລະ ເຈົ້າຂອງຮ້ານ ຢູ່ ເມືອງສີໂຄດຕະບອງ ແລະ ເມືອງນາຊາຍທອງ ນະຄອນຫຼວງວຽງຈັນ

ເຈົ້າໜ້າທີ່ລົງກວດກາສຶກສາອົບຮົມສາວບໍລິການ 33 ຄົນ ແລະ ເຈົ້າຂອງຮ້ານ 04 ຄົນ ຢູ່ ບ້ານໜອງແຕ່ງເໜືອ, ບ້ານວຽງຄຳ, ບ້ານດົງນາໂຊກ, ເມືອງສີໂຄດຕະບອງ ແລະ ບ້ານກາງແສນ,...