ສຳນັກຂ່າວຕ່າງປະເທດລາຍງານໃນວັນທີ 14 ກຸມພາ 2023 ຜ່ານມາ, ເກີດເຫດສະຫຼົດ! ທີ່ສະຖານທີ່ອອກກຳລັງກາຍແຫ່ງໜຶ່ງ ໃນນະຄອນອູ່ຫັ່ນ ເຂດຫູເປຍ ປະເທດຈີນ ຫຼັງມີຊາຍຊາວຈີນອາຍຸ 25 ປີ ຖືກບາເບວ ( ອຸປະກອນອອກກຳລັງກາຍ) ນ້ຳໜັກ 100 ກິໂລກຼາມ ທັບທີ່ຄໍ ແຕ່ຕົນເອງກໍພະຍາຍາມຍົກຂຶ້ນແຕ່ເປັນພົນ ຈົນໃນທີ່ສຸດພະນັກງານປະຈຳບ່ອນອອກກກຳລັງກາຍໄດ້ມາເຫັນຈຶ່ງພາກັນເຂົ້າໄປຊ່ວຍເຫຼືອ ແລະ ນຳໂຕສົ່ງໂຮງໝໍ.
ເຫດການດັ່ງກ່າວເຜີຍແຜ່ໃຫ້ເຫັນຈາກຄລິບວີດີໂອຊອງຊາຍຊາວຈີນທີ່ກຳລັງນັ່ງຢູ່ຕັ່ງຂອງອຸປະກອນການຍົກນ້ຳໜັກ ຈາກນັ້ນຕົນເອງໄດ້ຍົກ ບາເບວ ນ້ຳໜັກ 100 ກິໂລອອກຈາກບ່ອນຮອງຮັບໜ້າໜັກ ແລະ ໄດ້ເລື່ອນມາໄວ້ເທິງໜ້າເອິກ ເພື່ອກຽມຍົກຂຶ້ນລົງ ແຕ່ເຫດການບໍ່ຄາດຄິດກໍເກີດຂຶ້ນ ລາວຍົກບາເບວຂຶ້ນບໍ່ໄດ້ ແລະ ແຂນສັ່ນຢ່າງຮຸນແຮງ ກ່ອນທີ່ດ້າມຈັບຈະເລື່ອນຈາກສ່ວນໜ້າເອິກລົງໄປທັບທີ່ຄໍ ຈາກນັ້ນກໍພະຍາຍາມຍົກບາເບລຂຶ້ນໄວ້ເທິງບ່ອນຮອງນ້ຳໜັກແຕ່ບໍ່ເປັນຜົນ ຈົນຈະໝົດສະຕິ ແລະ ກວ່າຈະມີຄົນມາເຫັນເຫດການກະຜ່ານໄປ 2 ນາທີກວ່າໄດ້ພາກັນຍົກອອກແລ້ວນຳໂຕຊາຍດັ່ງກ່າວສົ່ງໂຮງໝໍ ແລະ ໄດ້ເສຍຊີວິດໃນເວລາຕໍ່ມາ.
ທາງສະຖານທີ່ເກີດເຫດບໍ່ໄດ້ອອກມາຊີ້ແຈງວ່າເປັນຫຍັງຄືບໍ່ມີພະນັກງານເບິ່ງແຍງ ໃນຂະນະທີ່ຜູ້ເສຍຊີວິໃຊ້ອຸປະກອນຍົກນ້ຳໜັກເຊິ່ງມີຄວາມສ່ຽງສູງ ສ່ວນເຈົ້າໜ້າທີ່ຕຳຫຼວດເລັ່ງສືບສວນເຫດການດັ່ງກ່າວຄາດວ່າເປັນຄວາມປະມາດຂອງສະຖານທີ່ອອກກຳລັງກາຍ.