ນ້ຳຫມາກໄມ້ເປັນຕົວຢ່າງຂອງອາຫານທີ່ອ້າງວ່າດີຕໍ່ສຸກຂະພາບແຕ່ແທ້ໆ ແລ້ວກັບບໍ່ແມ່ນ ເນື່ອງຈາກນ້ຳຫມາກໄມ້ບາງຍີ່ຫໍ້ບໍ່ມີ fiber ແລະ ສານອາຫານອື່ນໆ ອີກທັງຍັງມີແຄລໍລີ່ສູງ ແມ່ນກະທັ້ງນ້ຳຫມາກໄມ້ສົດ 100% ທີ່ໄດ້ນ້ຳຕານຈາກທຳມະຊາດນັ້ນ ກໍເປັນອັນຕະລາຍຕໍ່ຮ່າງກາຍແຕ່ຜູ້ຄົນຍັງຄົງນິຍົມດື່ມກັນ ແຖມດື່ມໃນປະລິມານຫລາຍເກີນໄປດ້ວຍ ເພາະພວກເຂົາບໍ່ຮູ້ວ່າມັນຈະສົ່ງຜົນເສຍຕໍ່ຮ່າງກາຍໄດ້
ນ້ຳສົ້ມຄັ້ນ 1 ກ່ອງນ້ອຍມີນ້ຳຕານປະມານ 2 ບ່ວງເຄຶ່ງກະແຟ ໃນຂະນະທີ່ນ້ຳສົ້ມຄັ້ນກ່ອງໃຫຍ່ມີນ້ຳຕານ 5 ບ່ວງກະແຟ ສ່ວນໝາກກ້ຽງສົດນັ້ນມີນ້ຳຕານ 2 ບ່ວງກະແຟ ແຕ່ມີໄຟເບີຫລາຍກວ່າ ປະມານ 3 ກຣາມ ເມື່ອທຽບກັບນ້ຳໝາກກ້ຽງຄັ້ນກ່ອງທີ່ບໍ່ມີໄຟເບີເລີຍ ນ້ຳຫມາກໄມ້ມີນ້ຳຕານຫລາຍພໍໆ ກັບນ້ຳອັດລົມປົກກະຕິ ແລະ ຖືກດູດຊຶມຢ່າງວ່ອງໄວ ລອງປ່ຽນມາກິນຫມາກໄມ້ສົດແທນຈະດີກວ່າ ນອກຈາກຈະເຮັດໃຫ້ເຮົາອິ່ມທ້ອງໄດ້ງ່າຍຂຶ້ນ ຍັງຊ່ວຍລຸດຄວາມຢາກກິນອາຫານຈຸບຈິບໄດ້