ອີງຕາມຂ່າວຈາກ ນະຄອນຫລວງ ຣາບັດ, ໃນວັນທີ 12 ກັນຍາ 2023 ທີ່ຜ່ານມາ, ຍອດຜູ້ເສຍຊີວິດ ຈາກເຫດການ ແຜ່ນດິນໄຫວ ໃນປະເທດ ມາຣົກ (Morocco) ເພີ່ມຂຶ້ນເປັນເກືອບ 2.800 ຄົນ ແລະ ບາດເຈັບຫຼາຍກວ່າ 2.500 ຄົນ.
ເຈົ້າໜ້າທີ່ກູ້ໄພມາຮົກລາຍງານເຖິງສະຖານະການພາຍໃນພຶ້ນທີ່ວ່າ: ໜ່ວຍກູ້ໄພຂອງມາຮົກປະມານ 100 ຄົນກຳລັງເລັ່ງຄົ້ນຫາສັນຍານຜູ້ລອດຊີວິດ ໃນຊາກອາຄານທີ່ທະລົ່ມ ແລະ ມີເຈົ້າໜ້າທີ່ກູ້ໄພຈາກແອັດສະປາຍ, ອັງກິດ, ກາຕາ ແລະ ຊາອຸດິດ ອາຣັບບີ ໄດ້ພະຍາຍາມປະສານກັບທາງການມາຮົກຢ່າງຕໍ່ເນື່ອງ.