ສຳນັກຂ່າວຕ່າງປະເທດລາຍງານໃນວັນທີ 7 ຜ່ານມານີ້ວ່າ: ລັດຖະບານຈີນໄດ້ສັ່ງຫ້າມເຈົ້າໜ້າທີ່ລັດໃຊ້ໂທລະສັບໄອໂຟນ ຂອງບໍລິສັດແອັບເປີ້ນ ຈາກສະຫະລັດອາເມຣິກາ ເຊິ່ງສົ່ງຜົນໃຫ້ຕັ້ງແຕ່ວັນທີ 6-7 ໃນເດືອນກັນຍາທີ່ຜ່ານມາ ຫຸ້ນບໍລິສັດແອັບເປີ້ນຕົກລົງ 6.4% ລວມມູນຄ່າປະມານ ສອງແສນລ້ານໂດລາສະຫະລັດໃນ ສອງມື້ ເນ ່ອງຈາກຈີນເປັນຕະຫຼາດໃຫຍ່ ແລະ ຕະຫຼາດທີ່ສຳຄັນທີ່ສຸດຂອງແບຣນ ໂດຍຍອດຂາຍໃນຈີນ ລວມ ໃຕ້ຫວັນ ແລະ ຮ່ອງກົງ ຄິດເປັນສັດສ່ວນລະປະມານ 20% ຂອງຍອດຂາຍທັງໝົດ.
ຫຼ້າສຸດໃນວັນທີ 8 ກັນຍາ 2023 ຜ່ານມາ, ສຳນັກຂ່າວ ນິເຄອິ ເອເຊຍ (Nikkei Asia) ລາຍງານວ່າ: ລັດຖະບານຈີນອອກຄຳສັ່ງຫ້າມໃຊ້ iPhone ເຊິ່ງກ່ອນໜ້ານີ້ບັງຄັບໃຊ້ສະເພາະກັບພະນັກງານລັດສູນກາງເທົ່ານັ້ນ ມັນໄດ້ຖືກຂະຫຍາຍໄປໃຊ້ກັບພະນັກງານລັດທ້ອງຖິ່ນ ແລະ ພະນັກງານໃນບໍລິສັດຂອງລັດ ຫຼື ລັດວິສາຫະກິດ ໃນຂອບເຂດທົ່ວປະເທດ.
Nikkei Asia ລາຍງານຕື່ມວ່າ: ກະຊວງແລະອົງການສູນກາງຂອງຈີນໄດ້ຈຳກັດການນຳໃຊ້ສິນຄ້າຍີ່ຫໍ້ຕ່າງປະເທດເຂົ້າໃນວຽກງານຢ່າງເປັນທາງການນັບແຕ່ປະມານປີ 2020 ນັບແຕ່ນັ້ນມາ ມາດຕະການດັ່ງກ່າວໄດ້ຖືກຂະຫຍາຍໄປໃຊ້ກັບພະນັກງານລັດທ້ອງຖິ່ນລະດັບຂັ້ນແຂວງ ແລະ ເມືອງແລ້ວຂະຫຍາຍໄປຈໄນຮອດລັດວິສາຫະກິດ ຫຼື ບໍລິສັດຂອງລັດ ຕັ້ງແຕ່ເດືອນສິງຫາທີ່ຜ່ານມາ.
ທັງນີ້, ຕາມກົມສະຖິຕິແຫ່ງຊາດຈີນ ປີ 2021, ຈີນມີເຈົ້າໜ້າທີ່ລັດຖະບານສູນກາງ ລັດຖະບານທ້ອງຖິ່ນ ແລະ ພະນັກງານລັດວິສາຫະກິດທັງໝົດຈຳນວນ 56,33 ລ້ານຄົນ.