ການເລືອກເສື້ອຊ້ອນໃຫ້ພໍດີກັບຂະໜາດຂອງຕົວເຈົ້າເອງກໍເປັນສິ່ງສຳຄັນ ຖ້າຫາກເລືອກເສື້ອຊ້ອນຜິດຂະໜາດຈະສົ່ງຜົນເສຍຕໍ່ຮ່າງກາຍຂອງຜູ້ຍິງຫລາຍເກີນກວ່າທີ່ເຈົ້າຄິດ ຊຶ່ງໃນໄລຍະສັ້ນອາດເກີດອາການເຈັບປວດ ໜ້ອຍໆ ທີ່ຍັງພໍຮັບມືໄດ້ ແຕ່ໃນໄລຍະຍາວອາດເປັນຫົນທາງສູ່ພະຍາດທີ່ອາດສາຍເກີນແກ້ຢ່າງພະຍາດມະເຮັງເຕົ້ານົມ ທີ່ເຊື່ອວ່າບໍ່ມີຜູ້ຍິງຄົນໃດຢາກເປນ
1, ກໍ່ໃຫ້ເກີດມະເຮັງເຕົ້ານົມໃນໄລຍະຍາວ
ສາວໆ ຄົນໃດທີ່ມັກຈົ່ມວ່າປວດຫົວ ຫລື ປວດຫລັງເລື້ອຍໆ ກໍລອງຄິດທົບທວນເບິ່ງໃຫ້ດີວ່າ ເສື້ອຊ້ອນຜິດທີ່ເຈົ້າເລືອກໃສ່ນັ້ນ ເປັນໄຊສ໌ຂະໜາດທີ່ເໝາະກັບໜ້າເອິກຂອງເຈົ້າຫລືບໍ່ ຫາກເລືອກເສື້ອຊ້ອນທີ່ມີໄຊສ໌ບໍ່ພໍເໝາະພໍດີ ເຊັ່ນເສື້ອຊ້ອນທີ່ຄັບເກີນໄປ ສ່ວນຜ້າ ແລະ ໂຄງເຫລັກອາດບີບລັດໜ້າເອິກຈົນເຮັດໃຫ້ຮູ້ສຶກປວດໄດ້ ແລະ ຍິ່ງໃສ່ເປັນເວລາດົນໝົດມື້ ແນ່ນອນວ່າເຈົ້າຕ້ອງເກີດອາການເຈັບປວດຕາມຮ່າງກາຍໄດ້ງ່າຍ ຊ້ຳຮ້າຍໄປກວ່ານັ້ນ ອາການເຈັບປວດຈະສະສົມໄປເລື່ອຍໆ ຈົນເຮັດໃຫ້ເກີດພະຍາດມະເຮັງເຕົ້ານົມທີ່ຜູ້ຍິງທຸກຄົນຢ້ານເປັນທີ່ສຸດ
2. ລະບົບຫາຍໃຈມີປັນຫາ
ຖ້າຫາກເຈົ້າເລືອກເສື້ອຊ້ອນທີ່ຄັບແໜ້ນເກີນໄປ ແລະ ຍັງເປັນເສີມໂຄງເຫລັກນຳນັ້ນ ຈະເຮັດໃຫ້ເກີດການກົດທັບກັບກະດູກ ແລະ ກ້າມເນື້ອ ຊຶ່ງຈະສົ່ງຜົນໃຫ້ເກີດບັນຫາກັບລະບົບຫາຍໃຈໃນໄລຍະຍາວແນ່ນອນ ສະນັ້ນຢ່າປະມາດ ເພາະຕອນນີ້ອາດຈະຍັງບໍ່ເກີດບັນຫາໃດໆຂຶ້ນ ແຕ່ໃນລະຍະຍາວເຈົ້າອາດຈະພົບເຈີກັບບັນຫານີ້ຢ່າງຫລີກລ້ຽງບໍ່ໄດ້
3, ເກີດບາດຈາກການສຽດສີ ເສື້ອຊ້ອນທີ່ຄັບເກີນໄປຈະເຮັດໃຫ້ຮຸກຖູກັບບໍລິເວນໜ້າເອິກ ຈົນເກີດເປັນບາດໃນບໍລິເວນນັ້ນ ຍິ່ງບ້ານເຮົາເປັນເມືອງຮ້ອນ ຖ້າຫາກເວລາທ່ານເຄື່ອນໂຕໝົດມື້ ກໍອາດເຮັດໃຫ້ໂຄງເສື້ອຊ້ອນຮຸກຖູກົດທັບກັບຮ່າງກາຍຫລາຍຂຶ້ນ ແລະ ເມື່ອປະສົມລວມກັບເຫື່ອ ບາດກໍຈະຍິ່ງລຸກລາມໜັກກວ່າເກົ່າ ຈົນຕ້ອງເສຍເງີນປິ່ນປົວກັນອີກດົນ ດີບໍ່ດີອາດປະຮອຍໄວ້ໃຫ້ຊ້ຳໃຈພາຍຫລັງ
4. ເສຍບຸກຄະລິກ ບໍ່ວ່າຈະສວມໃສ່ເສື້ອຜ້າດ້ານນອກທີ່ງາມຫລູຂະໜາດໃດ ແຕ່ຫາກເຈົ້າຍັງໃສ່ເສື້ອຊ້ອນຜິດໄຊສ໌ ຈະເຮັດໃຫ້ໜ້າເອິກຂອງເຈົ້ານູນອອກມາແປກໆຜິດທຳມະຊາດ ບາງທີອາດຈະນູນອອກມາດ້ວຍຂະໜາດທີ່ບໍ່ສົມດຸນກັນ ຊຶ່ງເຮັດໃຫ້ບຸກຂະລິກຂອງເຈົ້າເບິ່ງບໍ່ດີ ເພາະຕ້ອງຄ່ອຍຍັບເສື້ອຊ້ອນທີ່ອຶດອັດສະເໝີ ແຖມເສື້ອຜ້າພາຍນອກທີ່ສວຍງາມກໍກັບເບິ່ງບໍ່ງາມຕາມໄປ
- ເກີດອາການເຈັບປວດຮ່າງກາຍ ແນ່ນອນວ່າຜູ້ຍິງທຸກຄົນຕ້ອງໃສ່ເສື້ອຊ້ອນຕະຫລອດເວລາທີ່ອອກມາໃຊ້ຊີວິດນອກບ້ານຫລາຍຊົ່ວໂມງ ຖ້າຫາກເລືອກໃສ່ເສື້ອຊ້ອນຜິດໄຊສ໌ທີ່ອາດຈະຄັບແໜ້ນໜ້າເອິກເກີນໄປ ຈະເຮັດໃຫ້ຮູ້ສຶກປວດກະດູກ ແລະ ກ້າມເນື້ອໃນບໍລິເວນນັ້ນໝົດມື້ ອີກທັງຍັງຈະເຮັດໃຫ້ສຸກຂະພາບຈິດຂອງເຈົ້າຮ້າຍກວ່າເກົ່າ ສະນັ້ນຄວນຫັນມາໃສ່ໃຈໃນການເລືອກໄຊສ໌ໃຫ້ເໝາະກັບເຈົ້າ ເພື່ອລ້ຽງອາການເຈັບປວດຕາມຮ່າງກາຍດີກວ່າ