Homeຂ່າວພາຍ​ໃນນັກທ່ອງທ່ຽວຕ່າງປະເທດບໍ່ມັກການເປີດເພງສຽງດັງຢູ່ແຫຼ່ງທ່ອງທ່ຽວທໍາມະຊາດ

ນັກທ່ອງທ່ຽວຕ່າງປະເທດບໍ່ມັກການເປີດເພງສຽງດັງຢູ່ແຫຼ່ງທ່ອງທ່ຽວທໍາມະຊາດ

Published on

ສປປ ລາວ ເປັນປະເທດທີ່ຂຶ້ນຊື່ລືຊາໃນເລື່ອງການທ່ອງທ່ຽວ ໂດຍສະເພາະສະຖານທີ່ທ່ອງທ່ຽວທາງດ້ານທະນະທໍາ, ປະຫວັດສາດ ແລະ ທໍາມະຊາດ ຈຶ່ງເຮັດໃຫ້ຜູ້ຄົນຈຳນວນຫຼາຍຈາກທົ່ວໂລກ ລັ່ງໄຫຼເຂົ້າມາຊົມແຫຼ່ງທ່ອງທ່ຽວທາງທຳມະຊາດໃນລາວເຮົາ.

ການທີ່ນັກທ່ອງທ່ຽວເຂົ້າມາທ່ຽວທາງທຳມະຊາດໃນລາວເຮົາກໍເພື່ອຢາກມາພັກຜ່ອນ ຢາກຟັງສຽງຈາກທຳມະຊາດ ຢາກຢູ່ຫ່າງໄກຈາກຄວາມວຸ້ນວາຍພາຍໃນເມືອງ ແຕ່ຍັງມີບາງສະຖານທີ່ທ່ອງທ່ຽວ ທີ່ມີການເປີດສຽງເພງດັງ ເຊິ່ງສ້າງຄວາມລົບກວນໃຫ້ແກ່ນັກທ່ອງທ່ຽວຕ່າງປະເທດ.

ທ້າວ Jean Francois ນັກທ່ອງທ່ຽວສັນຊາດຝຣັ່ງໄດ້ກ່າວວ່າ: ຂ້ອຍມັກຮັກປະເທດລາວໂດຍສະເພາະຄົນລາວເປັນຄົນຍິ້ມແຍ້ມແຈ່ມໃສ ຂ້ອຍຈະມາທ່ຽວປະເທດລາວ 2 ປີຕໍ່ 1 ຄັ້ງ,  ທຸກເທື່ອທີ່ຂ້ອຍມາສ່ວນຫຼາຍຈະໄປທ່ຽວວັງວຽງ ແລະ ຫຼວງພະບາງ. ຂ້ອຍໄດ້ລອງກິນອາຫານລາວ ເຊັ່ນ: ເຂົ້າໜຽວ, ຕໍາໝາກຫຸ່ງ, ແກງໜໍ່ໄມ້ ແລະ ອື່ນໆ ແຕ່ສິ່ງໜຶ່ງທີ່ເຮັດໃຫ້ຂ້ອຍບໍ່ມັກແມ່ນການເປີດເພງສຽງດັງຢູ່ແຫຼ່ງທ່ອງທ່ຽວ ທໍາມະຊາດເພາະສ່ວນຕົວຄິດວ່າການໄປທ່ຽວທໍາມະຊາດຢາກໄດ້ຍິນແຕ່ສຽງນົກ ສຽງກາ ສຽງລົມພັດໃບໄມ້ຕົ້ນໄມ້ ແລະ ສຽງນໍ້າໄຫຼເທົ່ານັ້ນ ແຕ່ກໍເຂົ້າໃຈໃນການເປີດເພງແບບດັ່ງກ່າວເພາະຄົນລາວມັກ.

ນາງ Fannie ນັກທ່ອງທ່ຽວສັນຊາດຝຣັ່ງ ກໍໄດ້ກ່າວວ່າ: ຂ້ອຍ ແລະ ໝູ່ເພື່ອນປະມານ 5 ຄົນຈະມາທ່ຽວລາວ 1 ຄັ້ງຕໍ່ປີ, ທຸກເທື່ອທີ່ມາແມ່ນມັກໄປທ່ຽວຢູ່ແຂວງຫຼວງພະບາງ ເພາະມີແຫຼ່ງທ່ອງທ່ຽວທີ່ຫຼາກຫຼາຍໂດຍສະເພາະນໍ້າຕົກຕາດ ແຕ່ສ່ວນຕົວຢາກໃຫ້ບັນດາຮ້ານຂາຍເຄື່ອງຕ່າງໆທີ່ຢູ່ຕາມຕາດຕ່າງໆຫຼຸດຜ່ອນ ການເປີດເພງສຽງດັງລົງເພາະສ່ວນຕົວຢາກຟັງສຽງນໍ້າໄຫຼຫຼາຍກວ່າ.

ນອກຈາກນັກທ່ອງທ່ຽວ 2 ທ່ານທີ່ກ່າວມານັ້ນແລ້ວ ຍັງມີນັກທ່ອງທ່ຽວຕ່າງປະເທດຈໍານວນຫຼາຍກໍກ່າວບໍ່ມັກການເປີດເພງສຽງດັງຢູ່ສະຖານທີ່ດັ່ງກ່າວເຊັ່ນກັນ.

ຢ່າງໃດກໍຕາມ ຜູ້ປະກອບການດ້ານການທ່ອງທ່ຽວຄວນຮູ້ວ່າ ການເປີດເພງສຽງດັງຢູ່ແຫຼ່ງທ່ອງທ່ຽວທໍາມະຊາດແມ່ນສາເຫດໜຶ່ງທີ່ເຮັດໃຫ້ນັກທ່ອງທ່ຽວຕ່າງປະເທດຈໍານວນຫຼາຍບໍ່ມັກຊຶ່ງພວກເຂົາໃຫ້ເຫດຜົນວ່າໄປທ່ຽວທໍາມະຊາດຕ້ອງຟັງສຽງ ຫຼື ສໍາຜັດກັບທໍາມະຊາດເທົ່ານັ້ນ.

ແຫຼ່ງຂ່າວ ວຽງຈັນທາຍ

ບົດຄວາມຫຼ້າສຸດ

ບຸກມ້າງກຸ່ມແກ້ງສະແກມເມີ ແຂວງຈໍາປາສັກ ບຸກມ້າງແກ້ງສະແກມເມີ ກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ສັນຊາດຈີນ 48 ຄົນ ແລະ ສັນຊາດລາວ 02 ຄົນ

ເຈົ້າໜ້າທີ່ຕຳຫຼວດແຂວງຈຳປາສັກ ເປີດປະຕິບັດການຈູ່ໂຈມ ທະລາຍຮັງກຸ່ມແກ້ງສະແກມເມີ (Scammer) ທີ່ລັກລອບເຄື່ອນໄຫວອາດຊະຍາກຳທາງເທັກໂນໂລຢີ ສາມາດກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ພ້ອມຂອງກາງເຄື່ອງຄອມພິວເຕີ ແລະ ໂທລະສັບມືຖືເປັນຈຳນວນຫຼວງຫຼາຍ. ເຫດການດັ່ງກ່າວເກີດຂຶ້ນໃນວັນທີ 11 ມິຖຸນາ 2026...

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...