ໃນວັນທີ 8 ກັນຍາ 2023 ເກີດແຜ່ນດິນໄຫວຄັ້ງໃຫຍ່ໃນປະເທດມາຣົກ (Morocco) ໂດຍມີລາຍງານຜູ້ເສຍຊີວິດຫຼາຍກວ່າ 2.000 ຄົນ ແລະ ບາດເຈັບອີກຫຼາຍພັນຄົນ.

ທີ່ເມືອງ ມາຣາເກສ ປະເທດມາຣົກ (Morocco) ເກີດແຜ່ນດິນໄຫວຂະໜາດ 6,8 ຣິກເຕີ ຖືໄດ້ວ່າເປັນແຜ່ນດິນໄຫວທີ່ຮຸນແຮງສຸດໃນຮອບ 120 ປີ ພ້ອມຍັງເກີດມີແຜ່ນດິນໄຫວອີກໃນບໍ່ເທົ່າໃດຊົ່ວໂມງຕໍ່ມາ ແລະ ຄາດວ່າຈະມີແຜ່ນດິນໄຫວອີກຫຼາຍມື້ຕໍ່ໜ້າ ສົ່ງຜົນໃຫ້ປະຊາຊົນຢູ່ໃນຄວາມສ່ຽງຫຼາຍຂຶ້ນ.

ໃນເຫດແຜ່ນດິນໄຫວໃນຄັ້ງນີ້ ຫຼາຍປະເທດທົ່ວໂລກໄດ້ສະເໜີການຊ່ວຍເຫຼືອເຂົ້າມາໃນປະເທດມາຣົກ ແຕ່ກໍຍັງບໍ່ມີຊັດເຈນວ່າຄວາມຊ່ວຍເຫຼືອນັ້ນໄດ້ສົ່ງເຖິງຜູ້ທີ່ຕ້ອງການຊ່ວຍເຫຼືອໜ້ອຍຫຼາຍປານໃດ.

ປັດຈຸບັນ ຍອດຜູ້ເສຍຊີວິດໄດ້ເພີ່ມຂຶ້ນເປັນ 2.122 ຄົນໃນຕອນສວຍຂອງວັນອາທິດ ແລະ ມີຜູ້ບາດເຈັບອີກ 2.421 ຄົນ ນອກນີ້ ຍັງຄາດວ່າຈຳນວນຜູ້ເສຍຊີວິດຍັງຈະເພີ່ມຂຶ້ນອີກ.

ແຫຼ່ງຂ່າວ CNN