ສາວຈີນລູກດົກມີລູກແລ້ວທັງໝົດ 9 ຄົນໃນເວລາ 13 ປີ ຕັ້ງເປົ້າໝາຍໃຫ້ຄົບ 12 ຄົນ.
ເລື່ອງທີ່ເປັນປະເດັນໄປທົ່ວໂລກ ທີ່ເຫັນວ່າແມ່ ຍັງສາວຄົນໜຶ່ງມີລູກທັງໝົດ 9 ຄົນ ໃນຊ່ວງເວລາ 13 ປີ ເຊິ່ງລາວກໍບໍ່ຢຸດເທົ່ານີ້ ເພາະຕັ້ງເປົ້າໝາຍໃຫ້ມີລູກ 12 ຄົນ ໃຫ້ຄືກັບ 12 ນັກສັດ ເພາະບໍ່ຢາກເສຍຢີນດີໆຂອງສາມີ.
ນາງ ທຽນ ອາຍຸ 31 ປີ ພົບກັບ ທ້າວ ຈ້າວ ຜູ້ເປັນສາມີ ໃນຕອນຮຽນຊັ້ນມັດທະຍົມປາຍ ເຊິ່ງຫຼັງຈາກຮຽນຈົບມະຫາວິທະຍາໄລ ທັງສອງກໍໄດ້ແຕ່ງງານທັນທີ ແລະ ໃນປີ 2010 ກໍໄດ້ກຳເນີດລູກຄົນທຳອິດມາ ເປັນເພດຍິງ ຈາກນັ້ນລາວກໍໄດ້ຕັ້ງເປົ້າໝາຍຈະມີລູກຊາຍຕໍ່ໄປ ແລະ ໃນປີ 2012 ໄດ້ໃຫ້ກຳເນີດຝາແຝດເພດຊາຍອີກຄົນໜຶ່ງ.
ໃນຊ່ວງເວລານັ້ນ ລາວກໍພໍໃຈກັບຊີວິດຄອບຄົວ ແລະ ທຸລະກິດຂອງສາມີທີ່ກຳລັງຂະຫຍາຍຕົວ ເຮັດໃຫ້ຜູ້ເປັນພັນລະຍາເຫງົາ ຢາກໄດ້ເດັກນ້ອຍມາແລ່ນຫຼິ້ນໃນບ້ານຕື່ມ ຈຶ່ງຕັ້ງເປົ້າໝາຍມີລູກເພີ່ມ ເຊິ່ງຜູ້ເປັນສາມີກໍເຫັນດີ ຕໍ່ມາກໍໄດ້ມີລູກຕິດຕໍ່ກັນມາເລື່ອຍໆ.
ຫຼ້າສຸດ ນາງ ທຽນ ເປັນແມ່ທີ່ມີລູກກທັງໝົດ 9 ຄົນ ທີ່ມີຄວາມສຸກຫຼາຍ ແລະ ຈະມີຄວາມສຸກອີກເພາະໃນປີນີ້ລາວກຳລັງຖືພາຢູ່.
ແຫຼ່ງຂ່າວ mothership