ນັບໄດ້ວ່າເປັນກະແສຮ້ອນແຮງໃນອາທິດທີ່ຜ່ານມາ ກ່ຽວກັບກໍລະນີ ພະນັກງານສາວໂຮງແຮມແຫ່ງແຫ່ງໜຶ່ງໃນປະເທດໄທ ຂໍພັກວຽກໄປເບິ່ງແມ່ປ່ວຍເປັນມະເຣັງໄລຍະສຸດທ້າຍທີ່ໃກ້ຈະເສຍຊີວິດແລ້ວ ແຕ່ຫົວໜ້າບໍ່ໃຫ້ພັກວຽກ ແຖມບອກໃຫ້ໄປຂຽນໃບລາອອກ ຈົນເຮັດໃຫ້ສື່ສັງຄົມອອນລາຍຕັ້ງຂໍ້ສົງໄສກ່ຽວກັບບັນຫານີ້.
ທາງດ້ານນາງ ທັນຍາພອນ ທອງບາງໂປ່ງ ອາຍຸ 35 ປີຜູ້ເປັນເອື້ອຍນ້ອງ ພອຍ ໄດ້ເລົ່າວ່າ: ກ່ອນໜ້ານີ້ແມ່ປ່ວຍເປັນໂຣກມະເຣັງຂັ້ນສຸດທ້າຍ ແລະ ມີອາການສຸດໂສມໜັກຄ ຄາດວ່າໜ້າຈະໝົດລົມຫາຍໃຈອີກບໍ່ເທົ່າໃດຊົ່ວໂມງ ຈຶ່ງເຮັດໃຫ້ຜູ້ເປັນລູກໄດ້ຄອບພັກວຽກແບບກະທັນຫັນ ແຕ່ທາງດ້ານຫົວໜ້າກັບຕອບມາວ່າ ໃຫ້ໄປເຮັດວຽກ ແລະ ໃຫ້ໄປຂຽນໃບລາອອກຫຼັງຈາກທີ່ຈັດງານສົບຂອງແມ່ຕົນເອງແລ້ວ.
ໂດຍຫຼ້າສຸດຜູ້ບໍລິຫານຂອງໂຮງແຮມໄດ້ເດີນທາງອອກມາຊີ້ແຈງແລ້ວວ່າ: ເບື້ອງຕົ້ນທາງໂຮງແຮມຈັດງານສົບໃຫ້ສຳເລັດແລ້ວສາມາດກັບໄປເຮັດວຽກໄດ້ປົກກະຕິ ເພາະກ່ອນໜ້ານີ້ເຈົ້າຂອງໂຮງແຮມບໍ່ຮູ້ເລື່ອງທີ່ເກີດຂຶ້ນ ສ່ວນຄົນຊື່ກົບທີ່ເປັນຫົວໜ້າທາງດ້ານໂຮງແຮມໄດ້ມີການປັບປ່ຽນຕຳແໜ່ງເຮັດວຽກໃຫ້ແລ້ວ.
ທັງນີ້ເມື່ອໂພສດັ່ງກ່າວຖືກເຜີຍແຜ່ອອກໄປ ເຮັດໃຫ້ຜູ້ຄົນໃນສື່ສັງຄົມອອນລາຍເຂົ້າມາສະແດງຄວາມຄິດເຫັນເປັນຈຳນວນຫຼາຍ ແລະ ອີກຫຼາຍຄົນເຂົ້າມາໃຫ້ກຳລັງໃຈ ແລະ ສະແດງຄວາມເສຍໃຈກັບເຈົ້າຂອງໂພສ ພ້ອມີການແຊຣ์ຫຼາຍກວ່າ 20,000 ຄັ້ງ.