ພົບໂພນປວກຂະໜາດໃຫຍ່ ທີ່ມີຮູບຮ່າງຄ້າຍຄືພະອຸ້ມບາດ ເຮັດໃຫ້ປະຊາຊົນເຂດນັ້ນຕ່າງພາກັນໄປຂໍເລກ.
ມີປະຊາຊົນ 2 ຄົນ ຊື່ວ່າ ນາງ ສຸນັນທາ ແລະ ນາງ ເພັງມາ ພົບເຫັນໂພນປວກດັ່ງກ່າວຕັ້ງຢູ່ແຄມທາງ ທີ່ອຳເພີເມືອງ ຈັງຫວັດຂອນແກ່ນ ປະເທດໄທ ເມື່ອໄດ້ມາພົບຕ່າງກໍຖ່າຍຮູບ ແລະ ວິດີໂອເອົາໄວ້ໃນວັນທີ 12 ສິງຫາ ທີ່ຜ່ານມາ ແຕ່ເມື່ອເອົາກັບໄປໃຫ້ຄົນໃນຄອບຄົວເບິ່ງກໍເຫັນພ້ອມກັນວ່າ ໂພນປວກນີ້ ມີລັກສະນະຄ້າຍຄືກັບພະກຳລັງອຸ້ມບາດຢູ່.
ຕໍ່ມາ ຈຶ່ງໄດ້ພາກັນເອົາຂັນ 5 ໄປໄຫວ້ຕາມຄວາມເຊື່ອຖືສ່ວນບຸກຄົນ ແລະ ໄດ້ຂໍໂຊກລາບ ພ້ອມທັງໂຮຍແປ້ງ ເພື່ອຫວັງຫາຕົວເລກໄປສ່ຽງໂຊກ.
ໂດຍ ນາງ ສຸເພັງມາ ກໍກ່າວວ່າ ໂພນປວກນີ້ມີມາດົນແລ້ວ ແຕ່ກ່ອນໜ້ານີ້ທີ່ຕົນເອງເຫັນຍັງບໍ່ເປັນຮູບຮ່າງລັກສະນະແບບນີ້ ແລະ ບໍ່ມີຂະໜາດໃຫຍ່ຊ່ຳນີ້.
ແຫຼ່ງຂ່າວ ພາດ ນະຄອນຂານ