ໃນວັນທີ 13 ສິງຫາ 2023 ຜ່ານມາ, ເຈົ້າໜ້າທີ່ກູ້ໄພແຂວງຫຼວງພະບາງໄດ້ຮັບແຈ້ງຈາກປະຊາຊົນເຂົ້າເບີ 071 1625 ເພື່ອຂໍຄວາມຊ່ວຍເຫລືອ ຈາກອຸບັດຕິເຫດລົດພວງ 22ລໍ້ເສຍຫລັກຕົກລົງເຫວເຂດ​ ບ້ານກິ່ວຂາມປ້ອມ ເມືອງພູຄູນ ແຂວ​ງຫລວງພະບາງ​.

ເມື່ອທາງໜ່ວຍກູ້ຊີບອົງການກາແດງ ແຂວງຫຼວງພະບາງ ອອກກວດສອບເຫດພົບເຫັນຄົນເສຍຊີວິດ ເພດຊາຍ​ 01 ຄົນ ຊື່ທ້າວ​ ສະເຫລີມ​ ບຸດດາລາ ອາຍຸ36ປີ, ບ້ານ​ຢູ່​ປັດຈຸບັນ ​ບ້ານ​ນາກຸ້ງ ເມືອງໄຊທານີ ​ ນະຄອນຫລວງ​ວຽງຈັນ​

ຈາກາກນບອກເລົ່າຜູ້ເຫັນເຫດການໄດ້ກ່າວວ່າ: ອຸບັດຕິເຫດ​ເກີດຂື້ນໃນວັນທີ 12​ ສິງຫາ​ 2023​ ທີ່ຜ່ານມາ​ ລົດຄັນ​ດັ່ງກ່າວເສຍຫລັກຕົກລົງເຫວເລິກປະມານ 400​ ແມັດ​ ທາງປະຊາຊົນໄດ້ປະສານງານກັບພາກສ່ວນກ່ຽວຂ້ອງສຳຫລວດສະຖານທີ່ເກີດເຫດທາງເຈົ້າຫນ້າທີ່ທະຫານໄດ້ທຳການເຄື່ອນຍ້າຍສົບອອກຈາກຈຸດເກີດເຫດມາໄວ້ແຄມທາງ​ ເພື່ອໃຫ້ທີມງານເຄື່ອນຍ້າຍມາໄວ້ໂຮງເຢັນໂຮງໝໍແຂວງຫລວງພະບາງກ່ອນນຳສົ່ງກັບບ້ານໃນວັນທີ່ 14/08/2023