spot_img
Homeຂ່າວພາຍ​ໃນໃນ 6 ເດືອນຜ່ານມາ, ນະຄອນຫລວງວຽງຈັນ ສໍາເລັດການປະເມີນມາດຕະຖານພົ້ນທຸກ ແລະ ມາດຕະຖານການພັດທະນາ 481 ບ້ານ

ໃນ 6 ເດືອນຜ່ານມາ, ນະຄອນຫລວງວຽງຈັນ ສໍາເລັດການປະເມີນມາດຕະຖານພົ້ນທຸກ ແລະ ມາດຕະຖານການພັດທະນາ 481 ບ້ານ

Published on

ໃນບົດລາຍງານກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານໄລຍະກາງສະ ໄໝຂອງແຜນການ 5 ປີ ຄັ້ງທີ IX (2021-2025), ທິດທາງແຜນການທ້າຍສະໄໝ; ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023 ຂອງນະຄອນຫຼວງວຽງຈັນ ທີ່ ທ່ານ ພູຂົງ ບັນນາວົງ, ຮອງເຈົ້າຄອງນະຄອນຫຼວງວຽງຈັນ ສະເໜີຕໍ່ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫຼວງວຽງຈັນ ຊຸດທີ II ເຊິ່ງຈັດຂຶ້ນໃນລະຫວ່າງວັນທີ 31 ກໍລະກົດ-4 ສິງຫາ 2023 ນີ້ ໄດ້ຍົກໃຫ້ເຫັນກ່ຽວກັບຜົນສໍາເລັດວຽກງານການພັດທະນາ ແລະ ແກ້ໄຂຄວາມທຸກຍາກວ່າ: ໃນ 6 ເດືອນຜ່ານມາ, ນະຄອນຫລວງວຽງຈັນ ໄດ້ສໍາເລັດການປະເມີນມາດຕະຖານພົ້ນທຸກ ແລະ ມາດຕະຖານການພັດທະນາ 481 ບ້ານ (ຈໍານວນບ້ານທັງໝົດທີ່ມີຢູ່ນະຄອນຫລວງວຽງຈັນ). ນອກຈາກນີ້, ໄດ້ປະເມີນ 153.738 ຄອບຄົວ.

ຜ່ານການປະເມີນ ສາມາດບັນລຸມາດຕະຖານບ້ານພົ້ນທຸກໄດ້ໝົດທຸກບ້ານ, ບັນລຸບ້ານພັດທະນາ 315 ບ້ານ, ແກ້ໄຂຄອບຄົວທີ່ມີເງື່ອນໄຂບໍ່ຄົບຖ້ວນຕາມມາດຕະຖານພົ້ນທຸກໃໝ່ໃຫ້ເປັນຄອບຄົວພົ້ນທຸກ ໄດ້ 2.388 ຄອບຄົວ, ເທົ່າກັບ 53,30% ຂອງມະຕິສະພາ (4.480 ຄອບຄົວ), ຜ່ານການຈັດຕັ້ງປະຕິບັດ 6 ຄາດໝາຍ ແລະ ມີຄວາມຄືບໜ້າດີທັງໝົດ ຄາດວ່າຈະບັນລຸຕາມແຜນ.

ບົດລາຍງານໄດ້ຍົກໃຫ້ເຫັນຕື່ມວ່າ: ໃນ 6 ເດືອນຜ່ານມາ, ນະຄອນຫລວງວຽງຈັນ ໄດ້ສືບຕໍ່ປະຕິບັດຂໍ້ຕົກລົງ ສະບັບເລກທີ 0315/ຈນວ, ຈັດກອງປະຊຸມຮ່ວມກັບເມືອງໃນການວາງແຜນພັດທະນາສ້າງຊົນນະບົດໃໝ່ ຕິດພັນກັບການພັດທະນາກະສິກຳຮອບດ້ານ ຢູ່ 3 ເມືອງ ມີກຸ່ມການຜະລິດທັງ ໝົດ 93 ກຸ່ມ ແລະ ກຸ່ມການຜະລິດທີ່ເຂັ້ມແຂງກ້າວເປັນສະຫະກອນການຜະລິດກະສິກໍາ 1 ສະຫະກອນ ຄື: ສະຫະກອນກະສິກຳອິນຊີ ບ້ານທົ່ງມັ່ງ, ເມືອງໄຊທານີ; ລົງຊຸກຍູ້, ຕິດຕາມການຊຳລະຕົ້ນທຶນ ແລະ ດອກເບ້ຍຂອງ ກອງທຶນລຶບລ້າງຄວາມທຸກຍາກ ນະຄອນຫຼວງວຽງຈັນ ມີ 60 ສັນຍາ, ມີທຶນທັງໝົດ 2.047 ລ້ານກີບ; ໃນນີ້: ເປັນຕົ້ນທຶນ 1.790 ລ້ານກີບ ແລະ ເປັນເງິນສົດ 257 ລ້ານກີບ.

ຜ່ານການຈັດຕັ້ງປະຕິບັດ ໃນ 3 ຄາດໝາຍດ້ານພັດທະນາຊົນນະບົດ ແລະ ແກ້ໄຂຄວາມທຸກຍາກ ມີຄວາມຄືບໜ້າດີທັງ 3 ຄາດໝາຍ ຄື: 1). ການສືບຕໍ່ປະເມີນໄລຍະຕົ້ນຂອງດໍາລັດວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ, 2). ສຳເລັດການເກັບກຳຂໍ້ມູນ ແລະ ຈັດສັນຈຸດສຸມພັດທະນາຢູ່ເຂດເມືອງໃໝ່ ແລະ 3). ສໍາລັບການສ້າງເມືອງປາກງື່ມ ໃຫ້ເປັນເມືອງພົ້ນທຸກ, ຜ່ານການປະເມີນຕາມ ດຳລັດ 348/ລບ ເຫັນວ່າເມືອງປາກງື່ມ ແມ່ນບັນລຸຕາມມາດຕະຖານພົ້ນທຸກແລ້ວ. ສ່ວນຂັ້ນຕອນການສະເໜີຂໍຢັ້ງຢືນແມ່ນຈະໄດ້ສະເໜີຫາ ກະຊວງ ກະສິກຳ ແລະ ປ່າໄມ້.

ແຫຼ່ງຂ່າວ: Laoyouth

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...