spot_img
Homeຂ່າວພາຍ​ໃນແຂວງຫົວພັນ ໄດ້ຕັດສີນປ່ອຍຕົວນັກໂທດກ່ອນກຳນົດໂດຍມີເງື່ອນໄຂ

ແຂວງຫົວພັນ ໄດ້ຕັດສີນປ່ອຍຕົວນັກໂທດກ່ອນກຳນົດໂດຍມີເງື່ອນໄຂ

Published on

ຄະນະສານອາຍາ ສານປະຊາຊົນແຂວງຫົວພັນ ໄດ້ຕັດສິນປ່ອຍຕົວນັກໂທດກ່ອນກຳນົດໂດຍມີເງື່ອນໄຂ

ວັນທີ 18 ກໍລະກົດ 2023 ຄະນະສານອາຍາ ສານປະຊາຊົນແຂວງຫົວພັນ ໄດ້ຕັດສິນປ່ອຍຕົວນັກໂທດກ່ອນກຳນົດໂດຍມີເງື່ອນໄຂ ຈຳນວນ 11 ຄົນ ມີລາຍຊື່ດັ່ງນີ້:

  1. ທ. ຄຳພຸດ ອາຍຸ 21 ປີ ເປັນປະຊາຊົນຢູ່ບ້ານເມືອງຂັນ ເມືອງຊຳເໜືອ ແຂວງຫົວພັນ.
  2. ທ. ດົວ ສຸລິວົງຊົງ ຫຼື ດົວຊົງ ອາຍຸ 36 ປີ ອາດີດພະນັກງານ ຢູ່ບ້ານຫີນດຳ ເມືອງຊຳເໜືອ ແຂວງຫົວພັນ.
  3. ທ. ປໍແຢ ອາຍຸ 21 ປີ ເປັນປະຊາຊົນຢູ່ບ້ານເມືອງຂັນ ເມືອງຊຳເໜືອ ແຂວງຫົວພັນ.
  4. ທ. ຫວາລີຢ່າງ ຫຼື ລີຢ່າງ ອາຍຸ 28 ປີ ເປັນປະຊາຊົນຢູ່ບ້ານປ່າຂົມ ເມືອງໜອງແຮດ ແຂວງຊຽງຂວາງ.
  5. ທ. ວາເຢັ່ງທໍ່ ອາຍຸ 20 ປີ ເປັນປະຊາຊົນຢູ່ບ້ານໜອງແຮດ ເມືອງຊຳໃຕ້ ແຂວງຫົວພັນ.
  6. ທ. ອາທອງ ອາຍຸ 18 ປີ ເປັນປະຊາຊົນຢູ່ບ້ານງາຍໃຕ້ ເມືອງຜົ້ງສາລີ ແຂວງຜົ້ງສາລີ
  7. ທ. ເຢີທໍ່ ອາຍຸ 34 ປີ ເປັນປະຊາຊົນຢູ່ບ້ານພູຫຼວງ ເມືອງຊຳເໜືອ ແຂວງຫົວພັນ.
  8. ທ. ໂຕ້ມົວ ອາຍຸ 28 ປີ ເປັນປະຊາຊົນຢູ່ບ້ານ ວຶນ ເມືອງຊຳໃຕ້ ແຂວງຫົວພັນ.
  9. ທ. ພອນຄຳ ອາຍຸ 46 ປີ ເປັນປະຊາຊົນຢູ່ບ້ານພັນສະຫວັນເມືອງຊຳໃຕ້ ແຂວງຫົວພັນ.
  10. ທ. ເຮີປໍ້ທໍ່ ອາຍຸ 35 ປີ ເປັນປະຊາຊົນຢູ່ບ້ານປ່າຂົມ ເມືອງຊຳໃຕ້ ແຂວງຫົວພັນ.
  11. ທ. ເດົາວື ອາຍຸ 20 ປີ ເປັນປະຊາຊົນຢູ່ບ້ານມ້າ ເມືອງກວັນ ແຂວງຫົວພັນ.

ໃຫ້ພວກນັກໂທດທີ່ມີລາຍຊື່ຂ້າງເທິງນີ້ປະຕິບັດເງືອນໄຂດັ່ງຕໍ່ໄປນີ້:

  1. ເມື່ອອອກໄປແລ້ວຕ້ອງເຄົາລົບ ແລະ ປະຕິບັດລະບຽບຂອງບ້ານ, ກົດໝາຍຂອງລັດຢ່າງເຂັ້ມງວດ;
  2. ພາຍໃນກຳນົດເວລາ 5 ປີ ນັບແຕ່ມື້ຖືກປ່ອຍຕົວເປັນຕົ້ນໄປຜູ້ຖືກປ່ອຍຕົວກ່ອນກຳນົດຫາກໄດ້ປະຕິບັດຖືກຕ້ອງຕາມເງື່ອນໄຂ ແລະ ບໍ່ໄດ້ກະທຳຜິດໃໝໂດຍເຈດຕະນາ ໂທດທີ່ຍັງເຫຼືອນັ້ນກໍ່ຈະຕົກໄປ (ໂທດທີ່ຍັງເຫຼືອບໍ່ທັນໄດ້ປະຕິບັດ) ໃນກໍລະນີຜູ້ຖືກປ່ອຍຕົວກ່ອນກຳນົດຫາກໄດ້ກະທຳຜິດໃໝໂດຍເຈດຕະນາ ພາຍໃນກຳນົດເວລາດັ່ງກ່າວ ແລະ ເຖິງຂັ້ນສານຕັດສິນລົງໂທດຕັດອິດສະລະພາບຜູ້ຖືກປ່ອຍຕົວກ່ອນກຳນົດຈະໄດ້ປະຕິບັດໂທດໃໝ່ ລວມທັງໂທດເກົ່າທີ່ຍັງບໍ່ທັນໄດ້ປະຕິບັດນັ້ນໄປພ້ອມກັນຈົນໝົດກຳນົດໂທດດັ່ງກ່າວ (ຕາມທີ່ກຳນົດໄວ້ໃນມາດຕາ 79 ຂອງປະມວນກົດໝາຍອາຍາ ສະບັບປີ 2017);
  3. ໃຫ້ຜູ້ທີ່ຍັງບໍ່ທັນໄດ້ຊຳລະຄ່າປັບໃໝ,ຄ່າທຳນຽມສານ,ຄ່າເສຍຫາຍທາງແພ່ງ ແລະ ເງິນທີ່ຮີບຄືນຈາກຈຳເລີຍຄົບຖ້ວນຕາມຄຳຕັດສິນຂອງສານນັ້ນ ແມ່ນໃຫ້ສືບຕໍ່ໄປຊຳລະຢູ່ຂະແໜງຈັດຕັ້ງປະຕິບັດຄຳຕັດສິນຂອງສານທີ່ຂື້ນກັບພະແນກຍຸຕິທຳ ແຂວງຫົວພັນ ຫຼື ໜ່ວຍງານປະຕິບັດຄຳຕັດສິນຂອງສານທີ່ຂື້ນກັບຫ້ອງການຍຸຕິທຳເມືອງໃຫ້ຄົບຖ້ວນ;
  4. ມອບໃຫ້ຄອບຄົວ, ຍາດພີ່ນ້ອງຂອງຜູ້ຖືກປ່ອຍຕົວ ແລະ ອຳນາດການປົກຄອງບ້ານຂອງຜູ້ຖືກປ່ອຍຕົວຂຶ້ນກັບເປັນຜູ້ຄຸ້ມຄອງ, ສຶກສາອົບຮົມ ແລະ ຕິດຕາມຜູ້ຖືກປ່ອຍຕົວກ່ອນກຳນົດ, ໃນກໍລະນີຜູ້ຖືກປ່ອຍຕົວກ່ອນກຳນົດບໍ່ປະຕິບັດຕາມລະບຽບຂອງບ້ານ, ບໍ່ປະຕິບັດຕາມເງື່ອນໄຂທີ່ວາງໄວ້ຂ້າງເທິງ ຫຼື ລະເມີດກົດໝາຍນັ້ນ ຄອບຄົວແລະອຳນາດການປົກຄອງບ້ານຕ້ອງລາຍງານໃຫ້ເຈົ້າໜ້າທີ່ ທີ່ກ່ຽວຂ້ອງຢູ່ໃກ້ຄຽງຢ່າງທັນການ.

ແຫຼ່ງຂ່າວ ສານປະຊາຊົນ

ບົດຄວາມຫຼ້າສຸດ

ສະຫລຸບຕີລາຄາວຽກງານ ແຮງງານ ແລະ ສະຫວັດດີການສັງຄົມ ທົ່ວປະເທດ ປະຈຳປີ 2024.

ກະຊວງ ຮຮສ ສາມາດສົ່ງແຮງງານໄປເຮັດວຽກຢູ່ຕ່າງປະເທດ 97,950 ກວ່າຄົນ ໃນປີ 2024 ກອງປະຊຸມສະຫລຸບວຽກງານແຮງງານ ແລະ ສະຫວັດດີການສັງຄົມ(ຮສສ) ປະຈຳປີ 2024 ຈັດຂຶ້ນໃນວັນທີ 18 ກຸມພາ...

ດວງປະຈຳວັນທີ 20 ກຸມພາ 2025

ດວງປະຈຳວັນທີ 20 ກຸມພາ 2025 - ຄົນເກີດວັນຈັນ: ຈະໄດ້ເຮັດວຽກທີ່ຄາດຫວັງ ແຕ່ຕ້ອງມີຄວາມຕັ້ງໃຈ, ມີເກນໄດ້ຮັບເງິນກ້ອນຈາກການເຈລະຈາ, ຄົນໂສດຈະໄດ້ພົບກັບຮັກຄັ້ງໃໝ່ ຄົນມີຄູ່ຜິດກັນຍ້ອນເລື່ອງເກົ່າໆ, ລະວັງປັນຫາກ່ຽວກັບລະບົບຍ່ອຍອາຫານ. - ຄົນເກີດວັນຄານ: ວຽກງານເຂົ້າມາຫຼາຍ ຈົນບໍ່ມີເວລາໄປເຮັດຢ່າງອື່ນ,...

ອຸບັດຕິເຫດຮັກ! ໜຸ່ມຊາວຈີນຂັບລົດຕຳຍິງສາວ ໄປເບິ່ງແຍງທຸກມື້ ສຸດທ້າຍຕົກຂຸມຮັກ

ອຸບັດຕິເຫດຮັກ! ໜຸ່ມຊາວຈີນຂັບລົດຕຳຍິງສາວ ຈົນເຂົົ້າໂຮງໝໍຈຶ່ງໄດ້ໄປຢ້ຽມຢາມຕະຫຼອດ ຈົນເກີດຄວາມຮັກ ເລື່ອນສະຖານະຈາກຄູ່ກໍລະນີ ເປັນ ຄູ່ຊີວິດ. ສຳນັກຂ່າວຕ່າງປະເທດລາຍງານເມື່ອວັນທີ 17 ກຸມພາ 2025 ຜ່ານມາ, ເປັນເລື່ອງລາວສຸດຮືຮາ ເມື່ອຊາຍໜຸ່ມຈີນຊື່ ຫລີ່...

ທະຫານໄທສະກັດຈັບຍິງ ລາວ-ໄທ 5 ຄົນ ລັກລອບຂ້າມແດນຈາກມຽນມາ ຍ້ອນຖືກຕັດໄຟຟ້າ-ອິນເຕີເນັດ

ທະຫານໄທສະກັດຈັບຍິງ ລາວ-ໄທ 5 ຄົນ ລັກລອບຂ້າມແດນຈາກມຽນມາ ຍ້ອນຖືກຕັດໄຟຟ້າ-ອິນເຕີເນັດ ເມື່ອວັນທີ 18 ກຸມພາ 2025 ເຈົ້າໜ້າທີ່ທະຫານໜ່ວນສະເພາະກິດຈັງຫວັດຕາກ ໄດ້ອອກລາດຕະເວນບໍລິເວນ ບ້ານເງົາໄຜ່ ໝູ່ 11...