ລັດຖະບານ ອະນຸມັດໃຫ້ບໍລິສັດ ຍອດງື່ມພາວເວີ ມະຫາຊົນ ສຳປະທານກິດຈະການຈໍາໜ່າຍພາຍໃນຂອງລັດວິສາຫະກິດນໍ້າມັນເຊື້ອໄຟລາວ (ລນລ) ສາຂາແຂວງຊຽງຂວາງ ເປັນເວລາ 10 ປີ.
ໃນວັນທີ 21 ກໍລະກົດ 2023 ຜ່ານມາ ໄດ້ຈັດພິທີເຊັນສັນຍາສຳປະທານກິດຈະການຈໍາໜ່າຍພາຍໃນຂອງ ລນລ ສາຂາແຂວງຊຽງຂວາງ ລະຫວ່າງ ລັດວິສາຫະກິດນໍ້າມັນເຊື້ອໄຟລາວ ກັບ ບໍລິສັດຍອດງື່ມພາວເວີ ມະຫາຊົນ, ການລົງນາມດັ່ງກ່າວ ເປັນຂໍ້ຕົກລົງອະນຸມັດໃຫ້ບໍລິສັດ ຍອດງື່ມພາວເວີ ມະຫາຊົນ ສຳປະທານກິດຈະການຈຳໜ່າຍພາຍໃນຂອງລັດວິສາຫະກິດ ນໍ້າມັນເຊື້ອໄຟລາວ (ລນລ) ສາຂາແຂວງຊຽງຂວາງກຳນົດ 10 ປີ.
ສຳລັບໂຄງການດັ່ງກ່າວ ຖືເປັນໂຄງການຕົ້ນແບບທຳອິດ ທີ່ໄດ້ທົດລອງມອບໃຫ້ເອກະຊົນເຂົ້າມາສຳປະທານກິດຈະການໃນ ກຳນົດ 10 ປີ ໂດຍຈະມີການຕິດຕາມ ແລະ ປະເມີນຜົນຕົວຈິງຢ່າງໃກ້ຊິດ.
ແຫຼ່ງຂ່າວ Vientiane Mai